رحیم یار خان (سرائیکی نیوز۔ نہال خان گلاٹو) ضلع اچ ریسکیو ١١٢٢ دے ١٠ سال مکمل تھیون تے ڈسٹرکٹ ایمرجنسی افیسر ڈاکتر عبدالستار بابر دی تحریر کردہ ١٠ سالہ بہترین کارکردگی بک دی رونمائی بدستی ڈپٹی کمشنر سقراط امان رانا تھئی ،جیندے اچ ڈپٹی کمشنر سقراط امان رانا نے ریسکیو ١١٢٢ دے ضلع اچ ١٠ سال مکمل تھیون تے مبارک باد ڈیتی تے ١٠ سالہ کاکردگی کوں ھک کتاب دی شکل اچ تحریر و تحقیق دے نال پیش کرن دے ڈاکٹر عبدالستار بابر دی کاوش کوں خراج تحسین پیش کیتا تے ایں کتاب دی رونمائی کیتی۔
ڈسٹرکٹ ایمرجنسی افیسر ڈاکٹر عبدالستار بابر نے ایں موقع تے آکھیا کہ ضلع رحیم یار خان اچ ریسکیو ١١٢٢ سروس دے قیام کوں ڈھا سال تھئی چکے ھن ایں دوران ١١٢٢ نے ضلع دے عوام کوں نا صفر بہترین ایمرجنسی سروسز فراہم کیتیاں بلکہ حادثات دی روک تھام تے سیفٹی دے حوالے نال شعور کوں اجاگر کرن کیتے وی اپنڑی انتھک کوششاں جاری رکھیاں ، جنہاں اچ ایمرنسیز دے اعداوشمار ، حادثات والی جگہاواں دی نشاندھی تے سد باب ، ضلعی اداریاں ، ریسکویز تے ریسکیو سروس دی عملی استعداد اچ اضافی کیتے کاوشاں تے کمیونٹی ٹریننگ پروگرام دے ذریعے عام لوگاں کوں ایمرجنسی دے حالات اچ نمٹن دی ٹریننگ بارے آغاہ کیتا گئیا۔
