بھارت جئیں زبان اچ چاھندے پاکستان جواب ڈیون واسطے تیار ھِ ، ڈاکٹر محمد فیصل
اسلام آباد (سرائیکی نیوز) ترجمان دفتر خارجہ ڈاکٹر محمد فیصل نے آکھیئے کہ بہارتی آرمی چیف موجودہ صورتحال توں گھبراہٹ دا شکار تھئے گئے ھن آرمی چیف میڈیا تے نہں بولیندا، لیکن اپنڑی گھبراہٹ تے خوف دی وجہہ توں میڈیا تے بولن تے مجبور تھئی گئے ، بھارت جئیں زبان اچ چاھندا ھِ پاکستان جواب ڈیون کوں تیار ھِ
ریڈیو پاکستان نال گالھ مہاڑ کریدنے ہووے ترجمان دفتر خارجہ ڈاکٹر محمد فیصل نے آکھیا کہ بھارت کشمیریاں دی جدوجہد آزادی کوں مندھن واسطے ہر حربہ استعمال کریندا پئے برھان الدین وانی دی شہادت دے بعد بھارتی مظالم نویں نہج تک پھج گئن تے مقبوضہ کشمیر اچ معصوم شہریاں دے خلاف پیٹ گنز دا اندھا دھند استعمال کیتا ویندا پیا ھِ بین الاقوامی اداروں نے بھارتی مظالم دی مذمت کیتی ھِ انہاں مظالم دے باوجود ایکوں رتی بھر فائدہ نی تھیا
مقبوضہ کشمیر دے لوگاں کوں اقوام متحدہ دی قرارداداں دے مطابق اپنڑاں فیصلہ خود کرن دا اختیار ڈیتا ونجے ۔ بھارتی آرمی چیف میڈیا تے اگر بیان بازی کریندے ھن تاں کلبھوش یادیو دی گرفتاری دے بعد انہاں دی گھبراہٹ دا ثبوت ھِ پاکستان چاھندا ھِ کہ بھارت دے نال تمام مسائل کوں مذاکرات تے گالھ مہاڑ دے ذریعے حل کرے لیکن اگر بھارت کہیں ڈوجہی زبان اچ گالھ کرن چاھندے تاں اساں ایندے واسطے وی تیار ھیں۔
