سرائیکی قومی کانفرنس 25 فروری کوں لیہ اچ تھیسی

لیہ (سرائیکی نیوز۔ نعیم احمد تونسوی)مادری زباناں دے عالمہ دن دے حوالے نال 25 فروری کوں سرکاری لوک سانجھ دے زیر اہتمام یسل کلاسرا ضلع لیہ اچ مادری زبان دی اہمیت تے مردم شماری تے نویاں حلقہ بندیاں اچ سرائیکی وسیب دے نال امتیازی سلوک دے حوالے نال قومی کانفرنس منعقد کیتی ویسی۔ تفصیل دے مطابق ہر سال 21 فروری کوں دنیا بھر اچ مادری زباناں دا ڈنہیں منایا ویندے سرائیکی لوک سانجھ ایں حوالے نال 21 فروری پریز بدھ کوں نیشنل پریس کلب کلب اسلام آباد دے سامنڑیں مظاہرہ کریسی جیندے اچ سرائیکی کوں پاکستان دی (مجوزہ) قومی زباناں اچ شامل کرݨ دا مطالبہ کیتا ویسی ۔ علاوہ ازیں اتوار ٢٥ فروری دے ڈنہوار کوں سرائیکی لوک سانجھ دے زیر اہتمام بمقام یسل کلاسرا ضلع لیہ اچ سرائیکی قومی کانفرنس منقد تھیسی جیندے اچ سرائیکی وسیب دے نال ملک بھر توں تعلق رکھن والے سرائیکی دانشور گلوکار فنکار شرکت کریسن، کانفرنس اچ مادری زبان دی اہمیت کوں اجاگر کرݨ تے ایندے ذریعے تعلیم دے نال نال حالیہ مردم شماری تے نویاں حلقہ بندیاں اچ سرائیکی وسیب دے نال امتیازیسلوک تحقیقی رپورٹ وی پیش کیتی ویسی۔ کانفرنس اچ دانشور تے مختلف شعبیاں دے ماہرین مقالے پڑھشن، ایندے علاوہ سرائیکی مشاعرہ تے محفل موسیقی دا وی اہتمام کیتا ویسی ، کانفرنس اچ معروف سرائیکی رہنما تے دانشور، شعرا عاشق بزدار ، اشوال لا ، رعفعت عباس ، شمیم عارف قریشی، ارشاد تونسوی ، ڈاکتر احسن واگھا ، پروفیسر مشتاق گاݙی ، نذیر لغاری ، عزیز شاہد ، شیخ بدرالدین ، استاد محمود نظامی ، رانا محبوب اختر ، سعید خاور ، شاہد جتوئی ، صوفی تا گوپانگ، اکبر انصاری ایڈووکیٹ ، مظہر سعید گوپانگ ، عرفان کھوسہ ، پروفیسر شکیل پتافی ، رزاق شاہد ، غیور بخاری ، شکیل حیدر کینیڈا ، استاد اعجاز بلوچ ، شاہ نشاط قریشی ، محمود قلندری ، حبیب موہانہ ، قمر ملک ، اکبر خان ملکانی ، مظر نواز لشاری، نصراللہ خان ناصر لنڈ ، ارشاد امین ، پروفیسر اکرم میرانی ، پروفیسر لالہمیرو ، پروفیسر مزمل ، جہانگیر مخلص، جاوید چانڈیو ، موھن بھگت ، استاد عاشو دیوانہ ، استاد فاروق محرم ، اصغر گرمانی، مظہر تابش، منصور کریم سیال ، محمود مہیبہ فصل رب لنڈ پروفیسر الطاف ڈاہر ، شہزاد شفیع ، ملک سلیم جدہ ، مظفر خان مگسی ، منظور خان دریشک ، انجینیئر شاہنواز مشوری تے دیگر شرکت کریسن