فاٹا کوں خیٻر پختونخوا ڊا حصہ بنڑاوݨ پیپلزپارٹی دا مشن ھِ، آصف زرداری
اسلام آباد(سرائیکی نیوز) سابق صدر مملکت آصف علی زرداری نے آکھئے کہ آئندہ انتخابات اچ پیپلز پارٹی وفاق تے چاراں صوبیاں اچ حکومت بنڑیسی، فاٹا کوں خیبر پختونخوا دا حصہ بنڑاوݨ پیپلز پارٹی دا مشن ھِ اسلام آباد اچ سینیٹر رحمان ملک سمیت پیپلز پارٹی دے سینئر رہنماواں نے آصف زرداری نال ملاقات کیتی ۔ ملاقات اچ ملک دی موجودہ سیاسی صورتحال تے تفصیلی غور کیتا گئیا مفاہمت دے بادشاہ آصف علی زرداری نے آکھیا کہ اگلی حکومت پیپلز پارٹی دی ھوسی پیپلز پارٹیاں دیاں نظراں مستقبل تے ھن، فاٹا کوں خیبر پختونخواہ اچ ضم کرݨ اساڈا مشن ھِ ایں علاقے کوں خوشحال تے پر امن ڈیکھن چاھندے ھیں ۔ سابق صدر نے ݙیرہ اسمعیل خان اچ حالیہ دہشت گردی دے واقعات تے شہید تھیون والے بندیاں دے لواحقین نال اظہار تعزیت کیتا ۔ انہاں دا آکھن ھا کہ صوبائی حکومت کوں چاھیدا ھا کہ او قاتلاں کوں گرفتار کر تے انصاف دے کٹھرے اچ گھن آون لیکن پی ٹی آعی دی حکومت نے اپنڑی ذمے داری نی نبھائی۔
