لاہور، نواز شریف ہر چیز تے قابض تھیوݨ چاھندے، زرداری

لاہور(سرائیکی نیوز) پاکستان پیپلز پارٹی (پی پی پی) ڊے شریک چیئرمین آصف علی زرداری نے آکھیا ھِ کہ میں پچھلے جلسے اچ آکھا ھا کہ تساڈی حکومت ݙھا سکدے ھیں، ہٹا سکدے ھیں ، اساں صرف صحیح وقت دے انتظار اچ ھیں کہ جمہوریت کوں نقصان نا پھجے، لاہور دے موچی گیٹ تے تھیون والے جلسوں توں خطاب کریندے ہووے انہاں آکھا کہ میاں صاحب ھن بلوچستان اچ تساڈی حکومت نی رہی موجودہ حکومت دے حوالے نال گالھ مہاڑ کریندے ہووے انہاں آکھیا کہ اپنڑی بادشاہت کوں مضبوط کرݨ کیتے تساں پاکستان دیاں جڑیاں کٹیاں ھن۔ آصف علی زرداری نے آکھیا ھِ کہ اگر ایں واری نواز شریف کوں چھوڑ ݙیتا تاں اللہ وی اساں کوں معاف نا کریسی، ھن انہاں کوں نکلنا ہوسی، ھن چھونڑاں کینی ہر شہ تے قابض تھیون چاھندے ھن انہاں نے آکھیا کہ چار سال اچ تریھ گناہ قرضہ گھیدا گئیا ھ ایں کوں کون لھایسی؟ میاں صاحب قومہ چور ھن پی پی پی شریک چیئرمین نے آکھیا کہ میاں صاحب کشمیر ونج تے اگر کشمیر دے بارے اچ گالھ نیں کرنی تاں اوتھاں ویندے کیوں ھیووے؟ انہاں آکھیا کہ سابق صدر جنرل ر پرویز مشرف نے بھارت دے نال ھک معاہدہ کرایا ھا جیندی کاپی میڈے کول وی موجود ھِ تاہم فوج راضی نا تھئی تے جئیں ویلے ڈیٹھا گئیا کہ فوج دے جنرلز اٹھی تے چلے گئے ھن انہاں آکھیا کہ موجودہ حکومت نے عدالت اچ آکھیا ھا کہ مشرف دے باہر ونجن تے کوئی اعتراض کینی ، آکھیندے رہے ھیں کہ مشرف کوں اساں گھن آسوں، زرداری نے آکھیا کہ اساں ایران توں گیس لائن دا معاہدہ کیتا، ایں حوالے نال منصوبے تے موجودہ حکومت دے وزیر خزانہ میڈے نال وعدہ کر تے پھیر گئیا۔ انہاں دا مزید آکھن ھا کہ پارلیمنٹ تے سینیٹ توں ھک بل منظور کروایا ھِ جیندے بعد عام انتخابات اچ دھاندلی نی تھئی سکدی، وعدہ کرینداں ھاں آئندہ الیکشن شفاف تھیسن۔ انہاں آکھیا کہ ھن الیکشن اچ میں تساڈا ووٹ کوں نا لٹݨ ڈیساں، ایں واری میں بلاول تے آصفہ سبھ پارلیمینٹ ویسوں ، زرداری دے خطاب توں قبل جلسے اچ لوہے دا پول ڈھیہ غئیا جیندے نتیجے اچ متعدد بندے زخمی تھئے۔  پاکستان پیپلز پارٹی جلسہ عام اچ کارکناں دے لوہے دے پول تے چڑھ گئے جیندے باعث پول توازن برقرار نا رکھ سکا تے ڈھیہ پیا ، پول ڈھاوں نال متعدد کارکن زخمی تھئے جنہاں کوں فوری طبی امداد کیتے ہسپتال منتقل کر ڈیتا گئیا ھِ جلسہ گاہ دے اندر تے باہر وڈے وڈے پینافلیکس وی آویزاں کیتے گئے ھن جنہاں تے کشمیریاں نال اظہار یکجہتی دے نعرے درج ھن لاہور دا تاریخی موچی گیٹ گراونڈ ھک دور اچ وڈی وڈی تحریک دا آغاز ایں گروانڈ توں تھیندا ھا۔