کورونا وائرس دی وبا ہݨ وی بین الاقوامی سطح تے باعث تشویش پبلک ہیلتھ ایمرجنسی اے، ڈبلیو ایچ او
جنیوا۔31جنوری(اے پی پی) عالمی ادارہ صحت ( ڈبلیو ایچ او) آکھیے کورونا وائرس دی وبا ہݨ وی بین الاقوامی سطح تے باعث تشویش پبلک ہیلتھ ایمرجنسی اے جیڑھی جو ڈبلیو ایچ او دا ساریں توں ودھ الرٹ لیول اے ۔ چینی ذرائع ابلاغ موجب عالمی ادارہ صحت اے اعلان پوری دنیا اچ کورونا وائرس پاروں ہفتہ واراموات اچ اڄوکے ودھارے دے بعد کیتا ڳئے۔ کووڈ۔ 19 تے آپݨے ترائے مہینے دے اجلاس توں بعد ڈبلیو ایچ او دی بین الاقوامی صحت دے ضوابط (2005) دی ہنگامی کمیٹی اعلان کیتے جیں دی منظوری ڈبلیو ایچ او دے ڈائریکٹر جنرل ڈاکٹر ٹیڈروس ایڈھانوم گبریس ݙتی اے، کمیٹی بیان اچ آکھیے جو کورونا وائرس ھک خطرناک متعدی بیماری اے جیڑھی جو صحت دے نظام کوں کافی ضیان پڄیندی اے ۔ انہاں آکھیے ویکسی نیشن توں عالمی سطح تے بیماری تے اموات دے اثرات کوں محدود کیتا ونڄ سڳدے ۔ ایندے وچ کوئی شک کائنی جو اے وائرس مستقبل قریب اچ انساناں اتے جانوراں اچ مستقل طور تے قائم پیتھوجن رہسی ۔ کمیٹی ملکاں توں صحت عامہ دے لمبی مدت اقدامات دا مطالبہ کیتے جیں اچ بیماری اتے اموات تے کووڈ۔ 19دے اثرات کوں گھٹ کرݨ تے توجہ ݙتی ونڄے ۔ کمیٹی ملکاں کوں سفارش کیتی جو کورونا ویکسی نیشن دے 100فیصد اہداف حاصل کرݨے چاہیدن ،ڈبلیو ایچ اوکوں کورونا وائرس دی وبا دی نگرانی دے ڈیٹا دی رپورٹنگ کوں بہتر بݨاوݨاں چاہیدے تے طبی انسدادی اقدامات جیویں ویکسین ، تشخیص اتے علاج دی لمبی مدت دستیابی کوں یقینی بݨاوݨاں چاہیدے ۔