اسلام آباد۔11دسمبر(اے پی پی) اسلامی تعاون تنظیم دے خوراک دے تحفظ بارے ادارے ولوں (آئی او ایف ایس) ڈے سنوار 12 دسمبر کوں منایا ویسی۔ اے ݙینھ مناوݨ کیتے او آئی سی دے سینئر حکام، سفارت کار اتے متعلقہ شراکت داراں دے نمائندے قراخستان اچ ہک تقریب اچ شرکت کریسن جیندے اچ سال 2022 اچ خوراک دی حفاظت کیتے اسلامی تعاون تنظیم دی کامیابیاں اتے غذائی تحفظ کوں ودھاوݨ سانڳے تعاون بارے اقدامات کو اشابر کیتا ویسی۔ تقریب اچ متعلقہ بین الاقوامی تنظیماں دے نمائندے وی خطاب کریسن اتے او آئی سی دے سیکرٹری جنرل حسین براہیم طحٰہ ولوں تنظیم دے اسسٹنٹ سیکرٹری جنرل برائے اقتصادی امور ڈاکٹر احمد کیویسہ سینگینڈو وی ڳالھ مہار کریسن۔ آئی او ایف ایس دے ڈائریکٹر جنرل یرلان بیڈولیٹ اتے اسلامی تعاون تنظیم (او آئی سی ) دی یونین آف نیوز ایجنسیز دے قائم مقام ڈائریکٹر جنرل محمد بن عابد ربو الیامی دے علاوہ کرانس مونٹانا فورم دے بانی اتے صدر جین پال کارٹیرون وی خطاب کرݨے۔ تقریب اچ ”افریقا کیتے آئی او ایف ایس سال” دے اہم نتائج تے بریفنگ ݙتی ویسی اتے ایں مقصد کیتے ہتھ ونݙاوݨ آلے ملکاں دی خدمات اتے فہرست پیش کیتی ویسی۔ سال 2022 کوں آئی او ایف ایس نال ”افریقا کیتے سال” دے طور تے چݨیا ڳئے۔ تنظیم سارا سال افریقی حکومتاں، متعلقہ لوکاں، ترقیاتی شراکت داراں نال افریقی زرعی لوڑھ دے مطابق کم کریندی رہی اے اتے بہترین سٹریٹجک فریم ورک توڑ پچائے۔ آئی او ایف ایس موجب افریقا اچ خوراک دی حفاظت ممکن اے، افریقہ اچ ٻکھ مکاوݨ اتے سارے لوکاں کوں محفوظ رسائی ݙیوݨ کیتے پائیدار ترقی دے اہداف تے عمل کیتے، 2014 دے بعد توں افریقا اچ ٻکھ نال متاثرہ لوکاں دی تعداد اچ 47.9 ملین ودھارا تھئے، اے تعداد ہݨ 250.3 ملین یا آبادی دا تقریباً پنڄواں حصہ اے۔ تنظیم دا موقف اے جو زراعت افریقی براعظم کوں جامع اقتصادی ترقی، ملازمتاں اتے صحت ݙیوݨ دا وݙا ذریعہ اے، کہیں وی خطے زرعی شعبہ تکڑا کیتے بغیر جدید معیشت اچ ہتھ نئیں ونݙایا، او آئی سی دے رکن ملکاں شدید ضرورت مند افریقی عوام نال یکجہتی کیتے اتے براعظم دے ایں تاریخی اوکھے دور اچ انہاں دی خوراک دی حفاظت اتے زرعی ترقی تے توجہ ودھاوݨی چاہیدی اے