عالمی برادری کشمیری نظربنداں دی رہائی کیتے کردار ادا کرے، کل جماعتی حریت کانفرنس
سرینگر (اے پی پی) بھارت دے غیر قانونی زیر تسلط جموں تے کشمیر اچ کل جماعتی حریت کانفرنس عالمی برادری توں اپیل کیتی اے جو عالمی برادری کشمیری نظربنداں دی رہائی کیتے کردار ادا کرے۔ کشمیرمیڈیا سروس موجب کل جماعتی حریت کانفرنس دے ترجمان سرینگر اچ جاری ہک بیان اچ آکھیا جو ہزاراں کشمیری کوڑے الزام دے تحت مقبوضہ کشمیر اتے بھارت دی مختلف جیلاں اچ قید ہن۔
انہاں مقبوضہ علاقے اچ جاری بھارتی ریاستی دہشت گردی اتے قتل وغارت تے شدید تشویش کریندیں ہوئیں آکھیا جو بھارتی فوج، پیراملٹری فورسز اتے پولیس اہلکار مقبوضہ علاقے اچ انسانی حقوق اتے بین الاقوامی قوانین دی کھلم کھلا خلاف ورزیاں کریندے پن۔ عالمی برادری کشمیری نظربنداں دی رہائی کیتے کردار ادا کرے۔
