کامن ویلتھ گیمز، پاکستان دے میڈلز دی تعداد ست تھی گئی
برمنگھم۔7اگست(اے پی پی)کامن ویلتھ گیمز اچ پاکستان دے میڈلز ست تھی ڳین۔ ہک طلائی تمغے نال 3 سلور اتے 3 برانز میڈل پاکستانی کھلاڑیاں اپݨے ناویں کیتن، ریسلنگ اچ شریف طاہر چاندی دا تمغہ جیتے۔ علی اسد برانز میڈل ڳھدے ٻھل ݙوسو میٹر ریس دے فائنل اچ پڄݨ آلے شجر عباس میڈل نئیں جیت سڳیے۔ پاکستانی پہلوان شریف طاہر 74 کلو گرام کیٹیگری اچ چاندی دا تمغہ ڳھدے۔ فائنل اچ پاکستانی پہلوان بھارتی حریف نوین توں ہر ڳین۔ علی اسد 57 کلوگرام کیٹیگری اچ نیوزی لینڈ دے سورج سنگھ کوں ہرا تے برانز میڈل جیتے۔ پاکستان دے طیب رضا 97 کلو گرام کیٹیگری اچ برانزمیڈل نی ڳھن سڳیے۔ ݙوسو میٹر دروک دے فائنل اچ شریک کلہے ایشین کھلاڑی شجر عباس میڈل نی جیت سڳیے۔ پاکستان ولوں کلہا گولد میڈل نوح بٹ ویٹ لفٹنگ اچ جیتے۔ کامن ویلتھ گیمز اچ پاکستان ہݨ تئیں سونے دا ہک، چاندی اتے کانسی دے 3، 3 میڈل جیتن۔
