بلوچستان ، سیلاب توں متاثر تھیوݨ والے علاقیاں اچ ھیضے دی وبا، ١٠ توں ودھ افراد ھلاک
بلوچستان دے ژوب تے خضدار دے اضلاع اچ گزریل ہفتے دے دوران سیلاب توں متاثرہ علاقیاں اچ ھیضے دی وباء پھیلݨ نال خواتین تے بالاں سمیت گھٹ توں گھٹ ١٠ بندے ھلاک تھئی گئے۔
اخباری رپورٹ دے مطابق عالمی ادارہ صحت ڈبلیو ایچ او دے حخام نے خطرے دی گھنٹی وجا ڈیتی ، آکھیا کہ بلوچستان دے ١٦ ضلعیاں اچ شید ڈائریا دی وباء گھینڈ گئی ھِ ۔ ڈبلیو ایچ او دے مطابق صوبے اچ ایں بیماری نال ١٣ٌٌ توں ودھ لوگ متاثر تھئی چکے ھن جبکہ ژوب ضلع اچ گزشتہ ١٠ ڈینھ دے دوران ٧ بندے ھلاک تھئے ھن ۔
محکمہ صحت خضدار دے ہسپتال اچ ھیضے دے مریضان دی تعداد اچ اضافہ تھیندا پیا ھِ جیتھاں کئی دیہاتاں توں لوگ آندے پئن، ڈاکٹر سیف الرحمن دے مطابق گزریل ڈینھ اچ ١٠٠ توں ودھ مریض ہسپتال اچ داخل تھئے ھن۔
