متحدہ عرب امارات ءچ مسیتاں ءچ نماز ، سماجی محفلاں معطل
متحدہ عرب امارات (یو اے ای) ءچ حکومت دا کرونا وائرس دے پیش نظر مساجد ءچ نماز سمیت تمام مذاھب دی عبادت گاھواں ءچ عبادت تے دیگر سماجی تقریبات معطل رکݨ دا حکم جاری کر ݙیتا گئیا ، غیر ملکی خبر ایجنسی رائٹرز دے مطابق متحدہ عرب امارات دی وزارت صحت نے احکام جاری کیتے ھن کہ شادی دی محفلاں تے دیگر سماجی محفلاں ٤ ہفتیاں کیتے عارضی طور تے معطل کر ݙیتی ونجے ۔ سرکاری نیوز ایجنسی دا حوالے ݙیندے ہووے مزید آکھیا کہ حکام نے مساجد سمیت تمام عبادت گاہوں ءچ عبادت تے وی پابندی عائد کرݙیتی ھِ
متحدہ عرب امارت نے ایں توں پہل سماجی رابطے دی ویب سائٹ ٹوئٹر تے بیان ءچ عوام کوں روز مرہ ضرورت دی چیزاں دی فراہمی کوں یقینی بنڑاوݨ دے عزم دا اظہار کیتا ھا ایں توں پہل سپر مارکیٹاں ءچ عوامی رش ودھ گئیا ھا ، دبئی دی حکومت نے ھک سرکلر ءچ پورے خطے ءچ سیاحت تے کاروباری مراکز سمیت دیگر مقامات کوں مارچ دی چھیکڑ تک بند رکھݨ دا حکم ݙے ݙیتا ھِ ابوظہبی تے دبئی ءچ جمز ، عوامی پارک تے تفریحی جگہوں دے علاوہ اسٹاک مارکیٹ کوں وی بند کر ݙیتا گئیا ھِ متحدہ عرب امارات ءچ ریسٹورنٹس بدستور کھلے رھاسن تے دیگر ریاستاں ءچ وی فوڈ ڈلیوری دی اجازٹ ݙیتی گئی ھِ
ݙوجہے پاسے سرکاری میڈیا دے مطابق مشرق وسطی دے دیگر ملکاں سعودی عرب تے کویت ، قطر دی طرفوں ریسٹورنٹس تے کیفے ءچ کھاوݨ تے عائد کیتی گئی پابندی دی پیروی کریندے پئن ، عمان ءچ نماز جمعہ دا اجتماع وی معطل کرݨ تے ہسپتال ءچ معمولی سرجریز کوں وی منسوخ کرݨ دا اعلان کیتا گئیا ھِ خیال رھاوے کہ مشرق وسطی ءچ کورونا وائرس دے کئی متاثرین ایران دا سفر کر تے آئے ہووے ھن ایران ءچ ھن تک وائرس دے نا ٨٥٧ تے متاثرین ١٤ ہزار ٩٩١ ریکارڈ کیتے گئے ھن ۔ عرب امارت دی حکومت نے ٹوئٹر تے آکھیا کہ سرجیکل ماسک تے گلوز سمیت ٣٢ ٹن ادویات دے ݙو جہاز ایران کوں بھیج ݙیتے گئے ھن
