افغانستان اچ زندگیاں تے معاش بچاوݨ کیتے امداد اچ تسلسل ٻہوں ضروری اے ، اقوام متحدہ
اقوام متحدہ ۔7دسمبر (اے پی پی):اقوام متحدہ آکھیے جو افغانستان اچ لکھاں لوکاں دیاں زندگیاں اتے معاش کوں بچاوݨ کیتے مسلسل امداد دا سلسلہ ٻہوں ضروری اے ۔ اقوام متحدہ دے دفتر رابطہ برائے انسانی امور (اوسی ایچ اے) آکھیے جو اقوام متحدہ اتے ایندے شراکت دار افغانستان اچ پالے دے موسم اچ امداد ݙیوݨ دا سلسلہ جاری رکھیا ہویا اے ۔ اوسی ایچ اے آکھیے جو گزریل ہفتے، ننگرہار، کنڑ اتے نورستان صوبیں اچ 81,000 توں ودھ لوکاں امداد ڳھدی اتے تقریباً 284,500 لوکاں کوں امدادی خوراک جݙاں جو پکتیا تے کابل سودھے ٻئے صوبیں اچ تقریباً 46,000 لوکاں کوں نقد امداد ݙتی ڳئی ۔
