وسطی ایشیائی ریاستاں کوں پاکستانی برآمدات اچ 173 فیصد ودھارا، مشیر تجارت عبدالرزاق داؤد

اسلام آباد۔ (اے پی پی)وزیراعظم دے مشیر تجارت عبدالرزاق داؤد آکھیے جو وزارت تجارت دے سلک روٹ ری کنیکٹ انشیٹیو دے نتائج اوݨ لڳ ڳین، وسطی ایشیائی ریاستاں کوں پاکستانی برآمدات اچ 173 فیصد ودھارا تھئے۔ ہک بیان اچ انہان آکھیا جو پچھلے مالی سال جولائی تا دسمبر وسطی ایشیائی ریاستاں کوں 49 ملین ڈالر برآمدات تھیاں ہن، ایں مالی سال برآمدات 134 ملین ڈالر تھین، سال 2021 اچ سرمایہ کاری و تجارت سانڳے ازبکستان اتے تاجکستان اچ کانفرنسز تھین جیندے اچ ݙوطرفہ بینکاں دی برانچاں کھولݨ تے الائے اتے پاکستان ازبکستان ٹرانزٹ ٹریڈ معاہدہ تے وی دستخط تھین ڄݙاں جو ازبکستان، افغانستان اتے آزر بائیجان نال پریفرینشل ٹریڈ معاہداں تے ڳالھ مہاڑ تھیندی پئی اے۔