وزیر اعظم عمران خان نے دہشت گردی دے واقعات نال نمٹݨ پاروں فعال اقدامات تے زور ݙیندے ہووے اکھیا کہ دہشت گرد عناصر کوں نشان عبرت بنڑاݨ کیتے فوری موثر کارروائی دی لوڑ ھِ
وزیر اعظم عمران خان دی زیر صدارت اج اپیکس کمیٹی براعے نیشنل ایکشن پلان (نیب) دا اجلاس تھئیا ایپکس کمیٹی نے پشاور حملے دی شدید مذمت کیتی تے حملے اچ جان دی بازی ھارݨ والے شہداء دی تعزیت دا اظہار کیتا۔
وزیر اعظم آکھیا کہ حکومت دہشت گرداں کیتے عدم برداشت دی پالیسی رکھیندی ھِ تے دہشت گرد عناصر کوں نشان عبرت بنڑاوݨ کیتے فوری موثر کارروائی کریسی انہاں آکھیا کہ مستقبل اچ ایہو جئے واقعات نال نمٹݨ کیتے فعال اقدامات کر تے دہشت گردی دے خطرے کوں ناکام بنڑواں کیتے کثیر الجہتی نقطہ نظر تے نیب دے بھر پور نفاذ دی لوڑ ھِ
عمران خان آکھیا کہ ملک کوں عدم استحکام نال ڈو چار کرݨ دے مذموم مقاصد کڈھیں پوری نہ تھیسن، پوری قوم دہشت گردی دی لعنت کوں شکست ڈیوݨ کیتے متحد ھِ انہاں آکھیا کہ عوام کوں احساس ھِ کہ ایہو جئے عناصر فرقہ واریت تے نفرت انگیز تقریراں دی بنیاد تے انتشار کھینڈاوݨ دی کوششاں اچ ھن لیکن ریاست انہاں دے عزائم کوں کڈھیں کامیاب نہ تھیوݨ ڈیسی ۔ ایپکس کمیٹی دا انسداد دہشت گردی دے محکمیاں دی استعداد کار ودھاوݨ تے دہشت گردی دے انسداد کیتے ضروری اقدامات کوں مربوط کرݨ پاروں یشنل کاونٹرٹیررازم اتھارٹی نیکٹا دے کردار کوں مضبوط بنڑاوݨ دی ضرورت تے وی زور ڈیتے۔
ایں گالھ تے وی روشنی پاتی گئی کہ صوبیاں کوں سائنسی تکنیک استعمال رک تے جدید فرانزک لیبز قائم کر تے موثر تحقیقات پاروں مزید وسائل مختص کرݨ دی لوڑ ھِ عدالتاں اچ دہشت گردی دے مقدمات کوں جلد منطقی انجام تک پہجاوݨ تے زور ڈیتا گیا
سیکرٹری داخلہ ڈویژن نے نیب دے نفاذ دے حوالے نال تفصیلی بریفنگ پیش کیتی جیندی اچ دہشت گردی دی مالی معاونت کوں روکݨ ، پر تشدد انتہا پسندی دا مقابلہ کرݨ ، دہشت گردی دے مقدمات دی تفتیش تے پراسیکیوشن ، عسکریت پسندی دیخلاف عدم برداشت ، قانون نافذ کرݨ والے اداریاں دا دائرہ ودھایا ویسی ، مدارس دی ریگولیشن تے رجسٹریشن دے اقدمات وی شامل ھن
اجاس کوں بریفنگ ڈیتی گئی کہ اکثر ایکشن پوائنٹس تے تسلی بخش ع درآمد تھئے تاہم بین الصوبائی مسائل دے حل پاروں صوبائی حکومتاں دے تعاون دی لوڑ ھِ ۔ اجلاس اچ وفاقی وزرا فواد چوہدری ، شیخ رشید، اسد عمر ، مشیر برائے قومی سلامتی ڈاکٹر معید یوف ، آرمی چیف جنرل قمر جاوید باجوہ، وزرائے اعلی پنجاب سردار عثمان بزدار ، وزیر اعلی سندھ مراد علی شاہ ، وزیر خیبرپختونخواہ محمود خان ، وزیر اعلی بلوچستان عبدالدوس بزنجو ، وزیر اعلی گلگت بلتستان خالد خورشید، چیف سیکریٹریز انسپکٹر جنرل آف پولیس تے سینئر سول تے ملٹری افسران شرکت کیتی۔
Leave a Reply