وزیر اعظم عمران خان نے آکھیا ھِ کہ ڈکیتاں دا ٹولہ ، چوراں دا گلدستہ ، ڈاکوواں دا پلندہ میڈے خلاف جتنی وی کوشش تے پلاننگ کر گھنے میں انہاں کوں این آر او نہ ڈیساں، مخالفین دے مقابلے کیتے تیار ھاں تے انہاں دا ڈٹ تے مقابلہ کریساں
عالمی یوم نسواں دی مناسبت نا فاطمہ جناح یونیورسٹی راولپنڈی اچ منعقد تھیوݨ والی تقریب نال خطاب کریندے ہووے وزیر اعظم عمران خان آکھیا کہ کرپٹ مافیا آکھیندا ھِ کہ این آر او نہ ڈیسو تے حکومت ڈھا دیسوں، بلیک میل نہ تھیساں ، کرپشن دے خلاف جہاد جاری رکھیساں
عمران خان نے دوران خطاب شیخ رشید کوں مخاطب کریندے ہووے آکھیا کہ شیخ صاحب یاد رکھئے کپتان جئیں ویلے میچ کھیڈا ھِ تاں اپنڑیں مخالف دی ہر شہ کیتے تیار ہوندا ھِ اگر او ٹاس جیت گیا تا کیا کریسی، تے میں ٹاس جیتساں تا میڈی ٹیم کیا ہوسی ، وکٹ تیز ہوسی تاں کیھڑے باولر کھڈاونڑین۔
انہاں نے اپوزیشن دے پاسے اشارے کریندے ہووے آکھیا کہ اے چوراں دا تولہ جو وی کرے میں ایندے کیتے تیار ھاں۔
واضح رھاوے کہ اپوزیشن جماعتاں دی طرفوں وزیر اعظم دے خلاف تحریک عدم اعتماد گھن آوݨ دے حوالے نال اتحادی جماعتاں تے حکومتین اراکین دے مسلسل رابطہ جاری ھن جبکہ پیپلزپارٹی طرفوں حکومت دے خلاف بلاول بھٹو دی سربراھی اچ کراچی توں اسلام آباد لانگ مارچ کڈھا گئے جو اج اسلام آباد ڈی چوک تے ختم تھیسی۔ قانون دی حکمرانی دی لوڑ تے اہمیت تے زور ڈیندے ہووے انہاں آکھیا کہ مک قانون دی حکمرانی نال ترقی کریندا ھِ قانون دی حکمرانی نہ ہووݨ نال معاشرے تباہ تھئی ویندن
انہاں دا مزید آکھݨ ھا کہ ریاست مدینہ دی بنیاد ݙو اصولاں تے رکھی گئی ھائی جیندے اچوں ھک اصول قانون دی حکمرانی ھا ، جئیں ویلے غریب و امیر کیتے الگ الگ قانون ہووے تاں ایں نال ملک تباہ تھئی ویندن اساݙے نبی صلی اللہ علیہ و آلہ و سم نے آکھیا ھا کہ اگر میڈی دھیی وی جرم کرے تا میں سزا ڈیساں۔
انہاں نے آکھیا کہ ریاست مدینہ دا ڈوجہہ اسول امربالمعروف و نہی عن المنکر ھا ، یعنی نیکی دا حکم تے برائی توں روکݨ ، ایں اصول دے تحت تساں چنگاعی دے حق اچ تے برائی دے خلاف جہاد کریندے ہیووے۔ انہاں آکھیا کہ اساݙے ملک اچ قانون دی حکمرانی بہوں مشکل ھِ اساڈے ملک اچ طاقتور قانون دی حکمرانی نی چاھندی او این آر او منگدے ، بلیک میل کریندے ، دھمکیاں ڈیندے کہ اگر میڈے جرم تے سزا ڈیووݨ دی کوشش کیتی تاں میں حکومت ڈھا ڈیساں
انہاں آکھیا کہ مشرف وانگ فوجی آمر نے وی کرپٹ لوگاں دے سامنریں گوڈے ٹکائے تے کرپٹ لوگاں کوں این آر او دیتا لیکن میں آکھینداں کہ جئیں ویلے تک زندہ ھاں ایں ولے تک کہیں کرپٹ کوں این آر او نہ ڈیساں۔ وزیر اعظم عمران خان نے مزید آکھیا کہ غریب ملکاں اچ غربت دی وجہ وسائل دی کمی کینی بلکہ غربت تے پسماندگی دی اصل وجہ اوتھاں قانون دی حکمرانی دا نہ ہوون ھِ غربت دی وجہ طاقتور دی چوری ھِ غریب چوری کریندا ھِ تاں جیل ویندا ھِ طاقتور چور لندر اچ محالات بنڑیندا ھِ
چین دی ترقی دی مثال ڈیندے ہووے وزیر اعظم نے آکھیا کہ چین دی ترقی دی وجہ اے ھِ کہ ایں توں گزریل چند سالاں دے دوران ٤٠٠ توں ودھ کرپٹ وزراء کوں جیلاں اچ پا ڈیتا گئیا ، امریکا اچ آکھا ویندا ھِ کہ تساں چوری کر تے کجھ دور بھج ضرور سکدے وے لیکن دیر تک بچ نی سکدے۔
انہاں آکھیا کہ اللہ نے انسان کوں زمین تے انصاف فراہم کرݨ پاروں بھیجا ، اساڈے نبی صلی اللہ علیہ و آلہ و سلم نے آج ١٥٠٠ سال قبل عورتاں کوں حقوق ڈیتے۔ انہاں آکھیا کہ اساں وراثت دا قانون تاں بنڑا ڈیتے لیکن اساں قانون تے عمل درآمد کرݨ دی ضرورت ھِ پاکستان دا سب توں وڈا مسئہ قانون دی حکمرانی تے ایں تے عملدرآمد ھِ
انہاں آکھیا کہ ہمیشہ خواھش ھائی کہ عورتاں دے حقوق کیتے کم کراں میڈی کامیابیاں دے پچھوں میڈی ماں دا ہتھ ھِ او پڑھی لکھی خاتون ھائی ، انہاں میکوں پڑھݨ لکھݨ دی طرف مائل کیتا جئیں ویلے تک اساں اپنڑیں عورتاں کو تعلیم نہ ڈیسوں اوں ویلے تک ملک ترقی نی کر سکدا عورتاں دی تعلیم تے زور ڈیوݨ دی لوڑ ھِ ۔ انہاں آکھیا کہ اساڈی حکومت دی طرفوں شروع کیتے گئے احساس پروگرام دے تحت ٩٨ فیصد فنڈ خواتین کوں جاری کیتا ویندا ھِ ایندے علاوہ بالاں دی تعلیم دے سلسلے اچ ڈیتے ونجݨ والے وضائف دا زیادہ حصلہ بالڑیاں دی تعلیم کیتے ڈیتا ویندا ھِ
Leave a Reply