وزیر اعظم عمران خان نے ملک دے نوجواناں توں اپیل کیتی ھِ کہ او حکومت دیخلاف تھیوݨ والی مبینہ سازش تے سڑکاں تے نکلین تے پر امن احتجاج کرن۔
وزیر اعظم عمران خان نے ٹیلی فون تے عوام نال گالھ کرݨ دے حوالے نال آپ دا وزیر اعظم آپ دے نال ، دے عنوان توں نشر تھیوݨ والے پروگرام توں نوجواناں کوں پیٹام ڈیندے ہووے آکھیا کہ میں ایں پاروں نوجواناں نال گالھ کرݨ چاھنداں ایں ویلے پاکستان ھک فیصلہ کن ویلے تے کھڑا ھِ ایندے اچ سب دا مستقبل ھِ کہ کیں طرح دا پاکستان بنڑسی۔
انہاں آکھیا کہ ملک ڈو رستیاں تے ونج سکدا ھِ قوماں دی زندگیاں اچ اے فیصلہ کرنا پوسی کہ اساں ھک تباہی دے رستے تے ویندے پئے ہیں یا ایں رستے تے ونجڑاں ھِ جو مشکل وی ہوسی تے ہر قسم دی آزمائش وہ آسی لیکن او اساڈی عظمت دا رستہ ھِ
انہاں دا آکھݨ ھا کہ اج پاکستان دی سیات اتھاں پھج گئی ھِ کہ اج ساری قوم کوں فیصلہ کرنا ھِ کہ ملک کوں کیتھاں گھن تے ونجنڑیں نوجوان اگر راہ حق اچ جھوٹ دیخلاف کھڑے تھیندن تاں اساڈا معاشرہ زندہ تھیسی۔
انہاں آکھیا کہ جئیں ویلے معاشرہ درمیان اچ بیھ ویندا ھِ کہ میکوں تاں کجھ نی میڈی زندگی کوں کوئی فرق نی پوندا تے غیر فعال تھئی تے کجھ نی کریندا تاں دراصل او برائی دے نال کھڑا تھئی ویندے، جئیں ویلے او اچھائی تے برائی دے درمیان نیوٹرل ہوندے تاں او برائی دا ساتھ ڈیوݨ شروع تھئی ویندے تے او معاشرے دی تباہی ہوندی ھِ وزیر اعظم نے آکھیا کہ سیاست داناں دی بکریاں دی طرح نیلامی تھیندی پئی ھِ جو ملک دی قیادت ھِ ھک حکومت ڈھاوݨ پاروں انہاں کوں خریدا ویندا پئے باہروں سازشاں شروع تھئی گئیاں ھن، ایتھاں ذاتی مفادات پاروں انہاں دے نال مل تے سودا کرݨ کیتے۔
وزیر اعظم آکھیا کہ اج تساں چپ کر تے بیھ گئے تاں تساں برائی دا ساتھ ڈیسو۔ میں اے چاھنداں کہ تساں سب احتجاج کرو اپنڑیں آواز بلند کرو جو اے سازش تھیندی پئے ھِ میڈے کیتے نی انڑیں مستقبل کیتے نکلو۔
انہاں دا آکھݨ ھا کہ ھک جوہری قوت پاکستان دی قیادت تبدیل تھئی سکدی ھ باہر دی قوت تھوڑے پیسے ضمیر فروشاں کوں ڈے تے انہاں کوں بکریاں دی طرح خریداری کر تے تے حکومت ڈھا ڈیندی ھِ تاں ایں ملک دا کوئی مستقبل نہ رھاسی ۔ اپنڑی گالھ جاری رکھیندے ہوون انہاں آکھیا کہ ایں پاروں نوجواناں کوں آکھیندا پیا کہ ایں پاکستان اچ تاں تساڈا کوئی مستقبل کینی ، ایں پاروں جو زیادہ پڑھا لکھ گھیندے او باہر چلا ویندے لیکن اے تساڈا ملک ھِ ایندے کیتے تساں کوں لڑنا ہوسی۔
