چوھدری سرور ساڈھے تریھ سال گورنر شپ دے مزے گھیدن ، بیاء کیا چاھیدے؟ پرویز الہی

پاکستان مسلم لیگ ق دے رہنما چوہدری پرویز الہی آکھیا کہ چوہدری سرور میڈے بارے اچ کجھ وی آکھیندے رھاون میں انہاں دے کہیں بیان تے کوئی تبصرہ نی کریندا، میکوں نی پتا انہاں دا مستقبل کیا ہوسی، چوہدری سرور نے ساڈھے تریھ سال پنجاب دی گورنر شپ دے مزے گھیدن ، بیاء کیا چاھیدے۔

لاہور اچ میڈیا نال گالھ مہاڑ کریندے ہووے حکمران جماعت پاکستان تحریک انصاف دے وزیر اعلی پناجب نامزد کردہ امیدوار چوہدری پرویز الہی دا آکھݨ ھا کہ پنجاب اسمبلی اچ پیدا شدہ کشیدہ صورتحال دے دوران ڈپٹی اسپیکر دے کول کوئی ڈوجہا آپشن یا رستہ نا ھا کہ او انتخابی کارروائی کوں ملتوی کرے۔ ھݨ نویں شیڈول دے تحت نویں قائد ایوان دا الیکشن ٦ اپریل وں تھیسی تے دود دا دودھ پانڑیں دا پانڑیں تھئی ویسی۔

انہاں آکھیا کہ جو لوگ پاکستان تحریک انصاف دے ٹکٹ تے رکن پناجب اسمبلی منتخب تھئے جئیں ویلے اپوزیشن دے لوگاں دے نال بیٹھے تاں اساڈے لوگاں نے انہاں کوں آکھیا کہ اے تساڈی جاء کینی تساں ایں طرف آ ونجو۔ انہاں آکھیا کہ جئیں ویلے پی ٹی آئی اراکین نے انہاں لوگاں کوں ایوان اچ گالھ کیتی جیندی انہاں کوں اجازت نا ھائی تاں او لوگ واپس آوݨ لگے تاں ڈوجہے لوگاں نے انہاں تے حملہ کر ڈیتا جیندے بعد ایوان اچ ھک لڑائی دی صورتحال پیدا تھئی گئے جو تساڈی خود وی ڈیٹھی جیندے بعد ڈپٹی اسپیکر دے کول کارروائی ملتوی کرݨ دے سوا کوئی رستہ نہ بچدا ھا ۔