عام انتخابات دے اعلان تے پی ڈی ایم دے ردعمل تے حیران ہاں، جمہوری لوک حمایت کیتے صرف عوام دو ہی ویندن، عمران خان

اسلام آباد(اے پی پی)وزیراعظم عمران خان آکھیے جو عام انتخابات دے اعلان تے پی ڈی ایم دے ردعمل تے حیران ہاں، جمہوری لوک حمایت کیتے صرف عوام دو ہی ویندن، کیا پی ڈی ایم کیتے چنڳاں نئیں جو حکومت ݙھواوݨ دی غیرملکی سازش دا آلہ کار ٻݨݨ اتے ضمیراں دی شرمناک منڈیاں سجا تے قومی اخلاقی ڈھانچہ تباہ کرݨ دے بجائے انتخابات قبول کرے۔ اپݨے ٹویٹس اچ وزیراعظم عمران خان جو پی ڈی ایم تاں اسمان سر تے چاتا ہویا ہا جو حکومت ناکام تھی گئی اے اتے عوام اچ مقبولیت مک ڳئی اے، ہݨ پی ڈی ایم انتخابات توں کیوں ݙری ہوئی اے؟ وزیراعظم آکھیے جو ہݨ ہر کہیں کو نویں انتخابات دو ونڄݨا چاہیدے۔