وزیر اعظم عمران خان نے ڈپٹی اسپیکر قاسم خان سوری دی تحریک عدم اعتماد مسترد کرݨ دیخلاف سپریم کورٹ دے فیصلے تے مایوسی دا اظہار کریندے ہووے آکھیا کہ امپورٹڈ حکومت کوں تسلیم نہ کریساں تے عوام میں نکلساں اتوار کوں احتجاج دی کال ڈے ڈیتی
قوم نال گالھ مہاڑ کریندے ہووے آکھیا کہ ٢٦ سال پہل توں ٹرݨ والی تحریک انصاف دے کڈھیں اصول تبدیل نی تھئے ، خوداری ، تحریک دا ناں انصاف تے ول فلاحی ریاست تے انسانی تھائی ، جئیں ویلے پارٹی شروع کیتی انہاں تریھ اصولاں تے ٹُرا ھاں۔
انہاں آکھیا کہ سپریم کورٹ دے فیصلے تے میکوں مایوسی تھئی ھِ لیکن واضح کرینداں کہ سپریم کورٹ تے پاکستان دی عدلیہ دی میں عزت کریندا ھاں میں ھک واری جیل گزاری ھِ او آزاد عدلیہ دی تحریک دوران جیل گئیاں ، کہیں وی معاشرے دی بنیاد تے انصاف تے ہوندی ھِ تے انصاف دی سرپرست عدالت ہوندی ھِ
انہاں آکھیا کہ عدلیہ جو وی فیصلہ کریندی ھِ تسلیم کریندے ھیں تے افسوس ایں پاروں تھیئےء کیونکہ ڈپٹی اسپیکر نے تحریک ایں پاروں روکی ھائی کیونکہ عدم اعتماد اچ آرٹیکل ٥ یعنی بیرونی مداخلت تھئی ھائی تے میں اے چاھنداں ھم کہ سپریم کورٹ گھٹ توں گھٹ ایکوں ڈیکھداں تاں صحیح ، اے ھک وڈا سنجیدہ الزام ھِ کہ باہروں ھک ملک تساڈے اندر سازش کر تے حکومت ڈھاندا ھِ ۔ انہاں آکھیا کہ میں چاھنداں ھم کہ ایندی تحقیقات تھیووے ، سپریم کورٹ گھٹ توں گھٹ جو مراسلہ ایکوں طلب کر تے ڈیکھ گھیندا ھِ جو اساں آکھیندے پئے ھیں اتنی وڈی سازش ھِ حکومت تبدیل کرݨ دی کوشش ھِ اساں کیا سچ بولیندے پئے ہیں یا کینا، ایں تے میکوں مایوسی تھئی کیونکہ اے اتنا وڈا سنجیدہ مسئلہ ھا تے ایں تے سپریم کورٹ اچ کوئی گاھ نی کیتی ۔ انہاں دا آکھیا کہ ڈوہا افسوس اے ھِ کہ اتنا جلدی فیصلہ آیا تے ٦١ اے یعنی کھلے عام ھارس ٹریڈنگ تھیندی رہے ھِ سیاست داناں دے ضمیر خریدے ویندے رھائے بھیڈ بکریاں وانگ ہوٹلاں اچ بند کیتا ویندا رھیا ھِ تے انہاں دی قیمتاں لایا گئیاں ھن۔ وزیر اعظم نے آکھیا کہ سوشل میڈیا دا زمانہ ھِ بال بال کوں پتہ ھِ کہ کیں قیمت تے اپنڑیں ضمیر ویچندے پئے ھن کیھڑی جمہوریت ھِ تے دنیا دی کیھڑی ایہو جئی جمہوریت اچ ایندی اجازت ڈیتی ویندی ھِ
انہاں قوم کوں مخاطب کریندے ہووے آکھیا کہ قوم کوں آکھینداں کہ جئیں ویلے باھروں ساز تھیندی پئی ہووے حکومت ڈھاندی پئی ہووے تاں تساں اپنڑیں آپ کو بچاونڑاں ھِ ، تساں ایندے خلاف کھڑے نا تھیسوں تاں کہیں بئے نے تساں کوں نی بچاونڑاں ، بدی دیخلاف قوم کھڑی تھیندی ھِ
