مودی اگر پاکستان دا پانڑی بند کرن دی حماقت کریسی تاں زندگی بھر پچھتاسی، سراج الحق

0
533

خطے کوں ہولناک جنگ توں بچاون تِ علاقائی امن کوں یقینی بنڑاون واسطے عالمی برادری پاکستان دے خلاف تھیون والی آبی جارحیت دا نوٹس گھنے، حکمران مودی نال سنگت دی بجائے ایکوں ڈو ٹوک پیغام ڈیون کہ اگر ایں نے پاکستان دے خلاف آبی دہشت گردی بند نا کیتی تِ ایکوں خطرناک نتائج بھگتنے ہوسن، کشمیر اچ مسلماناں دی نسل کشی تِ لکھاں ہندوواں دی آباد کاری نال بھارت اپنڑیں مکرو عزائم اچ کامیاب نی تھئی سکدا، جماعت اسلامی آزاد کشمیر دے وفد نال گفتگو

لاہور (سرائیکی نیوز 25 دسمبر 2016)  امیر جماعت اسلامی پاکستان سینیٹر سراج الحق نے ھک واری ول مودی کوں خبردار کیتے کہ اے پاکستان دا ھک بوند پانڑیں روکن دی حماقت کیتی تاں ایں کوں  زندگی بھر پچھتاونڑاں پوسی، خطے کوں ہولناک جنگ توں بچاون تِ علاقائی امن دے سانگے عالمی برادری پاکستان دے خلاف بھارت دی آبی جارحیت دا نوٹس گھنے، حکمران مودی نال سنگت جماون دی بجائے ایکوں ڈو ٹوک پیغام ڈیون کہ اگر ایں پاکستان دے خلاف آبی دہشت گردی بند نا کیتی تِ ایندے خطرناک نتائج بھگتنا ہوسن۔

کشمیر اچ مسلماناں دی نسل کشی تِ  لکھاں ہندوواں دی آباد کاری نال بھارت اپنڑیں مکروہ عزائم اچ کامیاب نی تھئی سکدا، مودی دے واسطے بہتر اے ھِ کہ ہٹ دھرمی چھوڑ تِ کشمیر کوں اقوام متحدھ دی قرار داداداں دے مطابق انہاں دا حق خود ارادیت ڈیووے تاکہ علاقائی امن دی راہ ہموار تھئی سکے۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.