شام ونجن والا روسی طیارہ بحرہ اسودہ اچ ڈھِ تِ تباہ
عملے سمیت 92 مسافر ہلاک روسی وزارت دفاع دا ٹی یو 154 جہاز سوچی توں لاذقیہ ویندا پیا ہا فضا بلند تھیون دے بعد ریڈار توں غائب تھئی گیئا
کئی گھنٹیاں بعد جہاز دے ڈھِ تِ تباہ تھیون دا پتہ چلا، میزک بینڈ تِ صحافی شام اچ نیوائیرنائٹ مناون ویندے پِ ھن ، امدادی کارروائیاں دا آغاز
ماسکو( سرائیکی نیوز 25 دسمبر 2016) روسی وزارت دفاع دا جہاز تفریحی شہر سوچی توں شام دے صوبہ لاذقیہ ویندے ہوئے بحیرہ اسود اچ ڈھِ تِ تباہ تھی گیئا جیندے نتیجے اچ عملے دے ڈاہ ارکان سمیت 92 مسافر ہلاک تھئی گئی، جہاز تِ ھک میزک بینڈ تِ صحافی وی سوار ھن جو شام اچ نیو ائیر نائٹ مناون دے واسطے ویندے پیئے ھن، اطلاع ملن دے بعد امدادی کارروائیاں شروع کر ڈیتی گئن، اتور کوں روسی میڈیا نے ڈسایا کہ جہاز بحیرہ اسود دے ساحل تِ واقع تفریح شہر سوچی توں شام ویندا پیا ہا ، طیارہ فضا اچ بلند تھیون دے چند منٹیاں اچ ریڈار توں غائب تھئی گیا کئی گھنٹیاں غائب رھاون دے بعد معلوم تھئیے کہ طیارہ بحیرہ اسود اچ ڈھِ تِ تباہ تھئی گئے-جیندے نتیجے اچ 92 مسافر ہلاک تھئن ۔
