جماعت اسلامی پکستان دے نائب صدر امیر لیاقت بلوچ نے عام انتخابات کوں دھاندلی زدہ قرار ڈیندے ہووے آکھیا ھِ کہ نوز شریف تے آصف زرداری کوں جعلی بنیاداں تے کامیاب کروایا گئیا ھِ ، اسٹیبلشمنٹ سوچئے سمجھے منصوبے دے تحت دھڑی بندی کیتی ھِ
لاہور اچ میڈیا نال گالھ مہاڑ کریندے ہووے انہاں آکھیا کہ ظلم تے جبر دے نظام دیخلاف جدوجہد تیز تھیسی، ٨ فروری ٢٤ کوں تھیوݨ والے عام انتخابات دے ویلے مشکل صورتحال اچ وی اساں کوں پنجھی لکھ ووٹ ملے ھن، پاکستان کوں مستحکم کرݨ پاروں اساں عوام نال براہ راست رابطہ رکھے۔
رہنما جماعت اسلامی نے آکھیا ھِ کہ اتحاد دی سیست ملک کوں مزد مشکل اچ پا ڈیندی ھِ ، مسالک دی بنیاد تے تقسیم نال مذھبی جماعتاں دی قوت گھٹ تھندی ھِ ، اسٹیبلمشنٹ سوچئے سمجھے منصوبے دے تحت دھڑی بندی کیتی ۔
انہاں دا آکھݨ ھا کہ اے انتخابات انجینئرڈ ، دھاندلی زدہ تے متنازع ھن ، چار دیواری اچ بہہ تے عوام دے مینڈیٹ تے ڈاکا مارا گئیا ھِ
انہاں آکھیا کہ مسلم لیگ ن دے قائد نواز شریف ، پیپلزپارٹی دے شریک چیئرمین آصف زرداری کوں جعلی بنیاداں تے کامیاب کروایا گئیا ، انہاں دا آکھݨ ھا کہ دھاندلی زدہ سیٹھاں کوں گھنݨ توں انکار کر ڈیونڑاں چاھیدے۔
لیاقت بلوچ آکھیا کہ صاف شفاف تے غیر جانبدار انتخابات کرواوݨ پاروں سبھ کوں اکٹھا بھاونڑاں ہوسی اج عوام اپنڑیں مسائل دا حل چھندے ھن۔ نائب امیر جماعت اسلامی دا آکھݨ ھا کہ پاکستان دا علاقہ مارشل لا یا آئین توں بالا کجھ کینی، ملکی مسائل دا حل جمہوریت ھی ھِ
