اسلام آباد (اے پی پی) آرمی چیف جنرل سید عاصم منیر لائن آف کنٹرول دے رکھ چکری سیکٹر دا دورہ کیتے ۔ پاک دے شعبہ تعلقات عامہ آئی ایس پی آر موجب آرمی چیف کوں ایل او سی دی تازہ صورت حال اتے فارمیشن دی آپریشنل تیاریاں تے بریفنگ ݙتی ڳئی اے۔ ایں موقع تے آرمی چیف افسراں تے نینگراں نال ڳالھ مہاڑ کیتی۔ آرمی چیف افسراں تے جواناں دی پیشہ ورانہ قابلیت دی تے اچے حوصلے دی تعریف کیتی۔آرمی چیف آکھیے جو گلگت بلتستان تے آزاد کشمیر بارے بھارتی قیادت دے غیر ذمہ دارانہ بیان دا نوٹس ڳھدے۔
بھارت آپݨے مذموم مقاصد اچ کݙاہیں کامیاب نہ تھیسی۔ مسلح افواج وطن عزیز دے دفاع کیتے ہر ویلھے تیار اے۔ دشمن دی کہیں وی مہم جوئی دا منہ بھن ولدا ݙیسوں۔ انہاں آکھیے جو اقوام متحدہ دیاں قرارداداں دے مطابق کشمیریاں نال کیتا ڳیا وعدہ پورا کیتا ونڄے۔
