معاشی ترقی کیتے ٹیکس نظام اچ ٻیاں اصلاحات ضروری ہین، ٹیکس چوری نال معیشت متاثر تھیندی اے، صدر مملکت ڈاکٹر عارف علوی دا سیمینار نال خطاب

لاہور (اے پی پی)صدر مملکت ڈاکٹر عارف علوی آکھیے جو معاشی ترقی کیتے ٹیکس نظام اچ اصلاحات ضروری ہیءن، ٹیکس چوری نال ملکی معیشت متاثر تھیندی اے، بدقسمتی نال ٻہوں ڳھٹ شہری ٹیکس ݙیندن، ملک وݙیاں آزمائشاں اچ اے، چھوٹ موٹے ڄھیڑے مکاوݨے ہوسن نتاں ترقی نا کر سڳسوں۔ اے ڳالھ انہاں گورنر ہائوس لاہور اچ ٹیکس آگاہی بارے سیمینار نال خطاب کریندے آکھی۔ سیمینار اچ گورنر پنجاب بلیغ الرحمان، وفاقی ٹیکس محتسب ڈاکٹر آصف محمود جاہ، مختلف ایوان صنعت وتجارت دے صدور سودھا ٻیاں اہم شخصیات وی موجود ہن۔

انہاں آکھیا جو تریمتیں کوں ہراساں کرݨ اچ کمی سانڳے ودھ اقدامات کرݨے ہوسن، جیڑھے معاشرے اچ تریمتیں کوں حقوق نا ہوون اتھاں ترقی نئیں ودھدی۔ انہاں آکھیا جو سمندر پار پاکستانیاں دی شکایات مکاؤݨ کیتے وفاقی ٹیکس محتسب آفس اچ خصوصی کائونٹر ٻݨایا ڳئے، ٹیکس کلیکشن ادارے ٹیکس دہندگان کوںو دھ سہولتاں ݙیون جو ودھ ریونیو ملے کیوں جو شرح نمو دے حساب نال پاکستان اچ ٹیکس ٹو جی ڈی پی دی شرح ودھاوݨ کیتے مربوط پالیسیاں دی لوڑھ اے۔