پاکستانی فلمی صنعت دے ٧٥ سالہ سفر اچ ، ھݨ تک بنڑݨ والی سبھ توں مہنگی فلم دا ناں دی لیجنڈ آف مولا جٹ ھِ جو اج بروز ١٣ اکتوبر ٢٠٢٢ کوں پاکستان سمیت دنیا بھر اچ ریلیز تھئی۔
یہ فلم ١٩٧٩ اچ ریلیز تھیوݨ والی سپر ہٹ فلم مولا جٹ دا سیکوئل یا ری میک تاں کینی بلکہ ایں فلم دے کرداراں تے مبنی ھک نویں کہانی کوں تخلیف کیتا گئیاھِ جیکوں فلم دی زبان اچ ری بوٹ آکھا ویندا ھِ
امید اے کیتی ویندی ھِ کہ اے فلم بین الاقوامی سینما اچ پاکستان دی نویں شناخت حاصل کریسی ، ھک محتاط اندازے تے غیر مصدقہ ذرائع دے مطابق ٧٠ کروڑ روپے دے بجٹ نال بنڑائی گئی ایں فلم دے بارے اچ مختصر طور تے اے آکھیا ونج سکدا ھِ پاکستای فلمی صنعت اچ بنڑݨ والی اے فلم محض ھک فلم ھی کینی بلکی ھک دور ھِ جیندے اچ اساڈی فلمی صنعت داخل تھیندی پئ ھِ ۔ اے ھک ایہو جئیا دور ھِ جیندے اچ فلم بنڑاوݨ دے تمام جدید تقاضے پورے کریندے ہووے ایں فلم سز نے پاکستان کوں بن الاقوامی سینما دے مد مقابل کھڑا کر ڈیتے۔
فلم سازی
پاکستان دی ایں مہنگی ترین فم دے پروڈیوسر عمارہ حکمت تے اسد جمیل کان ھن جنہاں دا ایں توں پہل فم پروڈکشن نال کوئی تجربہ نا ھا برحال او ایں مہنگی ترین فلم دے پرودیوسر ھن انہاں دے نال فلم ید ھدایت کار بلال لاشاری وی شریک پروڈیوسر ھن ۔ ایں فلم اچ مہنگے ترین ویژل ایفیکٹس استعمال تھئے ھن جبکہ ایں فلم اچ پاکستان پنجاب دے مختلف دیہی علاقیاں تے خاص طور تے لاہور دے شاہی قلعے دی تاریخی عمارت اچ فلم دی عکس بندی نے فلم دے پراڈکشن ڈیزائن کو ںچار چندر لا ڈیتے ھن۔
ایں فلم دے بنڑݨ دا آغاز اج توں ڈاھا سال پہل تھیا ھا ، اپنڑیں تمام تخلیفی مراحل توں لنگھݨ دے بعد اے فلم ٢٠١٩ اچ ریلیز پاروں تیار ھائی ایندا ٹزر وی جاری تھیا لیکن ول پرانڑیں فلم مولا جٹ دے فلم ساز سرور بھٹی دی طرفوں مقدمہ دائر تھیوݨ دی صورت اچ ایندی ریلیز ملتوی تھئی ۔ ڈونہاں فریقاں دے درمیان سمجھوتا تھیوݨ دے بعد ٢٠٢٠ اچ ایکوں دوباری نمائش پاروں تیار کیتا گئیا لیکن کورونا دی وباء دی وجہ نال اے ول نمائش کیتے پیس نہ تھئی سکی۔ لیکن ھݨ اے فلم پاکستان سمیت دنیا اچ ریلیز تھئی گئی ھِ پاکستانی فلم بینیاں ، فلم سازا ں تے فنکاراں دی اکچریت کوں امید ھِ کہ ایں فلم دے نال پاکستانی فلم انڈسٹری صنعت دا منظرنام جگمگا ویسی ۔ ایں فم کوں اسکرپٹ دی تیار توں گھن تے موجودہ حتمی نمائش تک یاد دھائی لگی تے ایں عرصے اچ فلم دنیا اچ بہوں کجھ بدل گیا۔
