سابق وزیر اعظم و پاکستان تحریک انصاف دے چیئرمین عمران خان اکھیا ھِ کہ مبینہ آڈیو ٹیپ نال ثابت تھئی گئیا کہ مریم نواز دے داماد صاحب وی پیسے بنڑائے ھن۔
کرک اچ جلسے نال گالھ مہاڑ کریندے ہووے وزیر اعظم شہباز شریف دی مبینہ آڈیو ٹیب دا حوالے ڈیندے ہووے عمران خان آکھیا کہ ٹیپ اچ تریھ چیزاں خاص طور تے سامنڑیں آیا ھن ، پہلی شہ کہ مریم اپنڑیں داماد کیتے بھارت توں پاور پلانٹ دی مشنری پاکستان درآمد کرویندی پئی ھِ آدھی مشنیری آ چکی ھِ ، شفارش کریندی پئی ھِ کہ آدھی مشین وی میڈے دامان دے کول گھن آو او ناجائز کم کرویندی پئی ھِ
انہاں دا آکھݨ ھا کہ اقتدار دے ذریعے ذات کوں فائدہ کرواݨ کوں کرپشن آکھیندے ھن ، میڈی حکومت نے بھارت توں تجارت ایں پاروں بند کیتی ھائی کہ بھارت نے عالمی قانون توڑیا ، اقوام متحدہ دی سیکیورٹی کونسل دی قرار داد دے خلاف ویندے ہووے کشمیر دی خصوصوی اسٹیٹس کوں پنجھ اگست ٢٠١٩ کوں ختم کر ڈیتا ھا ۔
چیئرمین پی ٹی آئی عمران خان آکھیا کہ موجودہ حکومت بھارت نال تجارت شروع کرݨ دی کوششاں کریندی پئی ھِ تاہم ھݨ تجارت کھلی کینی لیکن مریم نواز دا داماد غیر قانونی طور تے مشینری بھارت توں گھندا پئے اے لوگ پیسیاں کیتے کشمیریاں دی قربانیاں کوں وی نظر انداز کر سکدے ھن ۔ انہاں دا آکھݨ ھا کہ تریجی شہ اے ھِ کہ مصیب اے ھِ کہ انہاں دا ٹبر اتنا وڈا ھِ او سارے پیسے بنڑاوݨ تے لگے ہوعے ھن تے ٹیپ نال ثابت تھئی گئیا دامان صاحب وی پیسے بنڑیندے ھن۔
عمران خان آکھیا کہ مریم نواز آکھیندی ھِ کہ میڈے دامان دی ھاوسنگ سوسائٹی پاروں گرڈ اسٹیشن بنڑا ڈیو ۔، ہر ھاوسنگ سوسائٹی کوں اپنڑاں گرڈ اسٹیشن بنڑاونڑاں پوندا ھِ اے آکھیندی ھِ کہ سرکاری طور تے بنڑاں ڈیو، گرڈ اسٹیشن ٧٠ توں ٨٠ کروڑ دا بنڑدا ھِ ۔ انہاں دا آکھݨ ھا کہ اساں سب تے فرض ھِ کہ اساں حقیقی آزادی پاروں جہاد کروں کیونکہ غلام دی پروا نی ہوندی آزاد ملک ترقی کریندے ھن غلام صرف چنگے غلام بنڑیندے ھن۔
