اپوزیشن کوں ھݨ تک سمجھ نی آیا کیا تھئیا ھِ ، وزیر اعظم

وزیر اعظم عمران خان نے آکھیا ھِ کہ جئیں ملک دی اعلی سطح دی سیکیورٹی باڈی بیرونی سازشاں دی تصدیق کرڈیتی ھِ تاں ول ایندے بعد نمبر گیم تے تحریک عدم اعتماد تے کارروائی بے معنی ھائی۔

انہاں آکھیا کہ پارٹی رہنماواں توں خصوصی گالھ مہاڑ کریندے ہووے کل جئیں ویلے میں شام کوں آیاں تاں میکوں تساں کوں آکھنڑاں پیا کہ گھبرانا نہیں ھے، ھݨ میں تساں کوں تفصیل نال سمجھاوݨ چاھنداں ھاں کہ اج کیا تھیا ھِ کیونکہ اپازیشن کوں تاں ھݨ تک سمجھ نی آئی کہ انہاں نال کیا تھیا ھِ ؟ انہاں آکھیا کہ پاکستان نیشنل سیکیورٹی کونسل نے واضح طور تے آکھیا ھا کہ ایں خط اچ بیرونی سازش ھِ جو پیغام اساڈے سفیر کوں ڈیتا گئیا ھِ او نیشنل سیکیورٹی کونسل دی میٹنگ اچ زیر بحث آیا۔

وزیر اعظم آکھیا کہ نیشنل سیکیورٹی کونسل اچ اساڈے سارے سیکیورٹی چیف سمیت سبھ بیٹھے ھن، او انہاں دے سامنڑیں امریکا اچ پاکستان دے سفیر تے امریکا دی طرفوں انہاں دے نمائندے آفیشل میٹنگ دی تفصیلات شیئر کیتی گئی ایں گفتگو پاروں ایں گالھ دی تصدیق کیتی گئی کہ اے پلان باہر توں بنڑایا گئیا ھا جیندے تحت پاکستان دی اندرونی سیاست اچ مداخلت کیتی گئی۔

انہاں آکھیا کہ جو لوگ چھوڑ تے گئے او لوٹا تھئے انہاں توں سفارتخانے دے لوگ ملے ھن انہاں دا کیا کم ھا ایں سب دا تعلق تحریک عدم اعتماد نال ھا، وزیر اعظم نے آکھیا کہ جئیں ملک دی اعلی سطح دی سیکیورٹی باڈی اے تدیق کریندھ ھِ تاں ول ایندے بعد نمبر گیم تے تحریک عدم اعتماد تے کارروائی بے معنی ھائی انہاں آکھیا کہ میں تساں کوں اے گالھ رات کوں نی ڈسا سکا کیونکہ میں اج سب کوں ڈسا ڈیتا تاں او اج صدمے اچ نہ ہوندے۔ خیال رھاوے کہ وزیر اعظم عمران خان دے خلاف اپوزیشن نے ٨ مارچ کوں تحریک اعتماد اعتماد جمع کرائی ھائی جئیں تے اج ووٹنگ متوقع ھائی ۔ تاہم اجلاس شروع تھیندے ھی وقفہ سوالات اچ گالھ مہاڑ کریندے ہووے وزیر قانون فواد چچوھدری دی طرفوں قرار داد تے سنگین اعتراضات چاتے گئے

جیندے بعد ڈپٹی اسپیکر نے عدم اعتماد دی تحریک کوں آئین و قانون دے منافق قرار ڈیندے ہووے مسترد کر ڈیتا تے اجلاس غیر معینہ مدت تک ملتوی کر ڈیتا ۔ ایوان زیریں دا اجلاس ختم تھیوݨ دے فورا بعد وزیر اعظم نے قوم نال مختصر خطاب کیتا تے اعلان کیتا کہ اسمبلی تحلیل کرݨ دی تجویز صدر مملکت کوں بھیجوا ڈیتی ھِ بعد از صدر مملکت ڈاکتر عارف علوی نے وزیر اعظم خان دی تجویز تے قومی اسمبلی تحلیل کر ڈیتی۔