پاکستان دے باشعور عوام سمجھدن جو اپوزیشن اتحاد اچ شامل جماعتاں دا کوئی ھک نظریہ اتے ھک سوچ کائنی اساں عدم اعتماد دی تحریک دا مقابلہ کریسوں ، وزیر خارجہ شاہ محمود قریشی دی پریس کانفرنس
اسلام آباد۔:وزیر خارجہ شاہ محمود قریشی آکھیے جو اساں ان شاءاللہ تحریک عدم اعتماد دا ڈٹ تے مقابلہ کریسوں تے اپوزیشن کوں ہرا ݙیسوں ، سنوار کوں پریس کانفرنس توں خطاب کریندے ہوئیں وزیر خارجہ آکھیے جو میݙی بلاول توں گذارش ہو سی جو قومی اتے آئینی اداریں کوں سیاست اچ گھیلݨ مناسب کائںی ،اساں ان شاء اللہ عدم اعتماد دی تحریک دا مقابلہ کریسوں تے انہاں کوں ہرا ݙیسوں ، انہاں آکھیے جو بلاول آرٹیکل 6 دا ذکر کریندوں ،آئین ساریں کیتے مقدس اے۔وزیر خارجہ آکھیے بلاول توں پچھیے جو جݙاں تساں تے تساݙے ابو نوٹاں دے تھیلے ڳھدے ممبران دے دروازیں تے ونڄ تے آکھدے پیو جو اپݨی وفاداریاں تبدیل کرو تاں کیا اے حلف سنال روگردانی کائنی ؟آئین دی روح کوں تسں تے تساݙے والد متاثر کریندے پئن ،انہاں غیر آئینی ہتھکنڈیں توں بازرہن۔ شاہ محمود قریشی آکھیے جو مت بھلو جو ایجھے لوک وی ہن جنہاں اساکوں آتے ݙسائے جو تساں انہاں دے نال کیا ڳالھ کریندے پیو ۔بحیثیت سیاسی کارکن میکوں تے میݙی جماعت کوں اپݨے اتحادیاں تے مکمل اعتماد اے،او ٻہوں وضع دار لوک ہن انہاں ہر اوکھے ویلھے ساݙا ساتھ ݙتے تے او اپوزیشن دیاں ساریاں چالاں کوں سمجھدن ۔
APP
