پاکستان دی ترقی پاروں صنعت کاری دی اہمیت دے زرو ݙیندے ہووے وزیر اعظم عمران خان نے ھک صنعتی ایمنسٹی پیکج ڈیوݨ دا اعلان کیتا ھِ جیندے تحت سرمایہ کار اپنڑاں پیسہ صنعتاں اچ لا سکدے ھن تے انہاں توں کوئی سوال نہ کیتا ویسی۔
ھک اخباری رپورٹ دے مطابق وزیر اعظم نے اے اعلان ایندھن تے بجلی دے نرخاں اچ ڈرمائی کمی دے اعلان دے بعد ھک ڈینھ بعد لاہور اچ اے آکھیندے ہووے کیتا کہ انہاں دی پارٹی کوں اقتدار اچ آوݨ دے بعد اے پہلا کم کرنا چاھیدا ھا۔ پاکستان تحریک انصاف فخریہ اپنڑیں آپ کو احتساب تے شفافیت تے توجہ مرکوز رکھݨ والی جماعت آکھیندی ھِ ایندے اچ انہاں بندیاں کیتا تریجھا ایمنسٹی پیکج ہوسی جو اپنڑیں ناجائز دولت کوں قانونی حیثیت ڈیوݨ دی کوشش کریندے پئے ھن۔
ایں حوالے نال وزیر اعظم نے آکھیا کہ اساں شروع اچ صنعت کاری بالخصوص برآمدتی صنع تتے توجہ مرکز کرݨ دا فیصلہ کیتا ھا لیکن ھݨ میں ڈیکھدا پیا ھاں کہ اساں جو عام معافی ڈیتی ، اساں کھل عام معافی نی ڈیوݨ چاھندے اساں ایکوں صنع تدی طرف گھن ونجݨ چاھیدا ھا ۔ فیڈرل بورڈ آف ریونیو ایف بی آر دی طرفوں انکم ٹیکس ترمیمی آرڈیننس ٢٠٢٢ دے ذریعے انکم ٹیکس آرڈیننس ٢٠٠١ اچ ترمیم دا آرڈیننس دے عنوان نال صدارتی آرڈرنینس دے نفاڈ پاروں ارسال کردہ سمری دے مطابق پیکج سرمایہ کاراں کوں مجموعی رقم تے ٥ فیصد ٹیکس دی ادائیگی دی صوت اچ ذرائع آمدن نہ ظاہر کرݨ دی چھوٹ ڈیسی۔
پیکج دے تحت سرمایہ کار نویں کمپنی بنڑا تے نویں صنعتی یونٹس قائم کرݨ دا ذمہ دار ہوسی ایں طرح کاروباری برادری وی اپنڑیں موجودہ صنعت کوں متوازن یا جدید بنڑاوݨ کیتے ایں سہولت نال فائدہ چا سکدی ھِ مذکورہ سمری منگل دے ڈینھ وفاقی کابینی نے منظوری ڈیتی۔
