یوکرین ۔ ویب ڈیسک ۔ یوکرین دے ہمسائیہ ملکاں اچ روسی حملے دے بعد فرار تھیوݨ والے مہاجراں دی آمد دی تیاری کریندے پئے ھن۔ جیویں ھی روسی فضائی حملے راتوں رات مارے گئن ایں نال بہوں لوگ تاں گھراں اچ قید تھئی گئے تے کیف دے دیہاتاں یا یورپی یونین دے نال سرحد پاروں چھوڑ ݙیتا ۔ ٹریفک جام تے کجھ شہاراں دی سڑکاں کوں بند کر ݙیتا گئیا تے کجھ پیدل ٹر تے پولینڈ تے ھنگری تک پھج گئے اقوام متحدہ نے پناہ گزیناں دے سربراہواں کوں خبردار کیتا ھِ کہ شہری آبادیاں تے انسانیت سوز نتائج تباہ کن ھوسن۔
اقوام متحدہ دے ھائی کمشنر برائے مہاجرین فلیپوگرانڈی دا آکھݨ ھا کہ اساں یوکرین اچ تیزی نال ویگڑدی ہوئی صورتحال تے جاری فوجی کارروائی تے شید تشویش دا اظہار کریندے ھیں جنگ اچ کوئی فاتح نی تھیندا لیکن لا تعداد جاناں چلیاں ویسن۔
یوکرین دے یورپی ہمسائیاں دا آکھݨ ھا کہ او ٤٤ ملین آبادے والے ملک توں فرار تھیوݨ والے پناہ گزیناں کوں قبول کرݨ کیتے تیار ھن جو کہ یورپ اچ سبھ توں زیادہ آبادی والے ملک اچوں ھک ھِ پولینڈ دا آکھݨ ھا کہ او زخمی یوکرینیاں دی امداد پاروں ہپستال دی تیاری کریندا پئے تے اپنڑیں سرحد تے پناہ گزیناں دے استقبالیہ کیمپ لائندا پئے۔
وزیر داخلہ ماریوز کامنسکی دا آکھݨ ھا کہ او مہاجرین دی لہر دی تیاری کریندے پئے ھن انہاں آکھیا کہ خبر رساں ادارے روئٹرز کوں ڈسایا کہ پولینڈ اساڈے شہریاں کیتے ھک محفوظ ملک ثابت تھیسی۔ سلواکیہ تے ھنگری اچ وی مہاجرین دی متوقع آمد ناض منٹݨ پاروں سرحد تے فوج بھیج ڈیتی گئی ھِ ، خمیس کوں ھنگری تے پولینڈ دی سرحداں تے پناہ گزیناں دی ھک مسلسل لہر ڈیٹھی گئی ھِ جنہاں اچ خاندان سوٹ کیس تے ساماناں دے تھیلے دے نال پیدل ٹر تے آندے پئے ھن۔
لیکن تعداد نسبتان گھٹ ھِ بہوں لوگاں کوں یوکرین دے وڈے شہر چوڑݨ اچ مشکل دا سامنڑاں ھِ وکٹوریہ ووٹا شمال مشرقی شہر خرویف اچ سویرے ٥ وجے بیدار تھئی جئیں کوں ایں نے بمباری دی آوازاں آکھیا ۔ ایں نے آکھیا کہ میڈے ھمسائے میڈے دروازے دی گھنٹ ونجیندے پئے ھن تے میکوں ڈسیندے پئے ھن کہ ھݨ ونجݨ دا ویلا تھئی گئے تے ایں شہر توں نکل ونجوں ایں آکھیا ۔ لیکن گھر اچ پناھ گھنݨ دے بارے اچ ملے جلے پیغامات دے درمیان اساں یقین کینی کہ انخلا کرݨ محفوظ ھِ یا کینی شہار توں باہر ونجݨ والی کجھ سڑکاں سویر دے بعد جام تھئی گئیاں ھن۔
دارالحکومت کیف توں چار سو کلو میٹر دور تھیوݨ والا دھماکیاں دی آواز نال لوگ جاگ اٹھے تے بہوں لوگ ھݨ ونجن دی کوشش کریندے پے ھن لیکن سڑکاں تے کثیر تعداد اچ ٹرایفک ھِ ۔ بہں ڈوجہے لوگاں دی طرح ابتدائی طور تے ھک کار پارک اچ زیر زمین پناہ گھیدی ڈوجہاں نے پناہ دی تلاش اچ شہر دے وے سسٹم دا رخ کیتا۔ بہوں لوگ بساں تے ٹرین اسٹیشناں تے آئے ھن جو کہ یوکرین دے مشرق اچ خود ساختہ الگ تھیوݨ والی جمہوریہ اچ لگی لائناں توں دور مغرب توں دور جاواں تے ٹکٹ گھنݨ دی کوشش کریندے پئن۔
