اسلام آباد ، ملک ءچ سیاسی تناو دے درمیان حکومت تے اپوزیشن دے مابین گلگت بلتستان کوں عارضی صوبے دا درجہ ݙیوں تے تقریبان اتفاق رائے تھئی گئیا تے ایں معاملے تے گلگت بلتستان اسمبلی دے انتخابات دے بعد مشاورت کرݨ تے وی رضامندی دا اظہار کیتا گئیا ھِ
اخباری رپورٹ دے ذرائع دے حولاے نال آکھا گئیا کہ حکومت تے اپوزیشن نے ایں اقدام تے سیاسی قیادت دی آرمی چیف دے نال تھیوݨ والی ملاقات توں پہل گالھ مہاڑ کیتی۔ ذرائع دا مزید آکھݨ ھا کہ اے معاملہ وزیر خارجہ شاہ محمود قریشی تے وزیر منصوبہ بندی اسد عمر تے مشتمل ھکومتی ٹیم دی اپوزیشن جماعتاں پاکستان مسلم لیگ ن دے صدر شہباز شریف تے پاکستان پیپلز پارٹی دے چیئرمین بلاول بھٹو زرداری دے نال ملاقات ءچ زیر بحث آیا۔
اسلام آباد ءچ چند ہفتیاں پہل تھیوݨ والے ایں ملاقات ءچ وزیر اعلی سندھ مراد علی شاہ تے مسلم لیگ ن دے جنرل سیکریٹری احسن اقبال وی موجود ھن ، ایں سلسلے ءش جئیں ویلے احسن اقبال نال رابطہ کیتا گئیا تا انہاں دا آکھݨ ھا کہ حکومت نے انہاں کوں صرف آگاہ کیتا ھِ کہ منصوبہ انہاں دے ایجنڈے ءچ ھِ لیکن ایں معاملے تے مزید کوئی گالھ مہاڑ نی تھئی ۔ ایں معاملے ءچ انہاں دی جماعت دا موقف پوچھیا گئیا تاں انہاں آکھیا کہ اساں سمجھدے ہیں کہ مسئلہ کشمیر تے ملک دے موقف کوں متاثر کیتے بغیر گلگت بلتستان دے عوام کوں انہاں دے آئینی حقوق ملنے چاھیدن جو کہ پارٹی منشور ءچ وی شامل ھِ تاہم گلگت بلتستان دی ٢٤ رکنی قانون ساز اسمبلی دے انتخابات کورونا وائرس دی صورتحال دے سبب ملتوی تھئی گئے ھن جو ایں توں پل ١٨ اگست کوں منعقد تھئے ایں خطے ءچ مسلم لیگ ن دی ٥ سالہ حکومت دا خاتمہ ٢٤ جون کوں تھئیا ھا ۔اپوزیشن جماعتاں پہلے ہی گلگت بلتستان دے انتخابات کون حساس معاملہ قرار ݙے تے انہاں ءچ مداخلت دے حوالے نال حکومت کوں خبردار کر چکی ھِ تے اے اپوزیشن دی کل جماعتی کانفرنس دے ٢٦ نکاتی اعلامیے ءچ وی شامل ھا ۔
