کراچی ۔ کراچی ءچ موٹر سائیکل لائسنس ، حال ءچ ھک عورت نے کراچی ءچ بائیک دے لائسنس دے حصول پاروں سرکاری دفتر نال رابطہ کیتا ھا لیکن نہ صرف انہاں کوں لائسنس ݙیوݨ توں منع کر ݙیتا گئیا بلکہ ڈسایا گیا کہ عورتاں کوں اے لائسنس ݙیوون دی اجازت کینی۔
سماجی رابطے دی ویب سائٹ ٹوئٹر تے شیریں فیروزپور والا نے اپنڑیں ھک ٹیوئٹ ءچ ڈسایا کہ انہاں پچھلے مہینے موٹر سائیکل چلاوݨ دی کلاس گھیدی ھائی تے او موٹر سائیکل چلاوݨ دے قابل تھیوݨ تے پر سکون ھن۔ انہاں لکھیا کہ او ھم گڈی گھنݨ دی فرست نی رکھیندی تے دیگر ٹرانسپورٹ سروسز دے ودھدے ہووئے کرائیاں دے پاروں انہاں دا بجٹ ودھ ویندے، شیریں نے لکھیا کہ تصور کرو کہ آٹھ کلو میٹر توں وی گھٹ فیصلے دا ھک پاسے دا کرایہ ٦٠٠ روپے پیک ٹائمز ءچ کہیں ویلے ٩٠٠ روپے ݙیوونڑاں پوندے ، ایں طرح لگ بھگ ھک ݙینھ ءچ دفتر آوݨ ونجݨ ءچ ١٢ سو روپے لگ ویندن جئیں وجہہ توں انہاں موٹرسائیکل گھنݨ دا فیصلہ کیتا ھِ
عورت دے مطابق انہاں موٹر سائیکل چلاوݨ کیتے لائسنس حاصل کرݨ دا فیصلہ کیتا ھا لیکن انہاں کوں ھک عورت ہوون دی وجہہ کر تے لائسنس ݙیوݨ توں انکار کر ݙیتا گیا ،عورت دے مطابق سبھ کجھ ٹھیک ھا تاہم جئیں ویلے کاونٹر تے بیٹھے بندے نہ ایندی تفصیل سسٹم ءچ داخل کیتی تے جئیں ویلے انہاں ڈسایا کہ انہاں کوں وی موٹر سائیکل دے لائسنس دی لوڑ ھِ تاں او شخص غصہ تھئی گئیا ۔ مزید پوسٹ ءچ آکھیا کہ کاونٹر تے موجود بندے نے انہاں کوں آکھیا کہ تساں نکل ونجوں ایتھوں ، اساں چھوکریاں کوں موٹر سائیکل دا لائسنس نی ݙیندے ، تساں عورت ھیووے گڈی چلاو۔ شیریں فیروز والا نے مزید آکھیا کہ میں ایں بے تکے جواب دی وجہہ پچھی لکھی ظاہر ھِ کہ انہاں میکوں کوئی جواب نہ ݙیتا بلکہ مسلسل میکون باھر ونجݨ دا آکھیندا رھیا۔
@ImranKhanPTI
Can a woman not ride a bike in Pakistan? I’m being told by the License Office that they do not issue bike riding licenses to women.They said and I quote: “Larkiyo ko bike ka license nahi dete, aap gaari chalaye.”
Why? What kind of rule is this? Please respond.
— Shireen Ferozepurwalla (@SFerozepurwalla) September 14, 2020
بعد ازاں انہاں ھک بندے دے ذریعے لائسنس آف دی ݙوجہی برانچ توں تصدیق کیتی تے اوتھاں وی ایہا آکھیا گئیا کہ عورتاں کوں بائیک دا لائسنس نی ݙیندے ۔
