کراچی ءچ پرائیویٹ اسکول ءچ نویں جماعت دی طالب علم پوڑیاں توں ڈھہ تے جاں بحق تھئی گئی
کراچی ، پرائیویٹ اسکول ءچ ، چھ مہینے دی چھٹیاں دے بعد اسکولاں ءچ تعلیمی سرگرمیاں بحال تھیوݨ دے پہلے ݙینھ ہی کراچی دے ھک پرائیویٹ سکول ءچ نویں جماعت دی طالب علم پوڑیاں توں ڈھہ تے جاں بحق تھئی گئی۔
اسٹیشن ھاوس افسر ایس ایچ او گلبرگ دی طرفوں جاری بیان ءچ آکھا گئیا ھِ کہ عائشہ منزل تے واقع پرائیویٹ اسکول ہیپلی پیلس گرامر اسکول ءچ نویں جماعت دی پندرہ سالہ طالبہ اربیہ آصف پوڑیاں توں ڈھہ گئی تے موقع تے جاں بحق تھئی گئی ۔ پولیس دا مزید آکھݨ ھا کہ ایں واقعے دی مزید تحقیقات جاری ھن ، ݙوجہے پاسے وزیر تعلیم و محنت سندھ سعید غنی نے طالبہ دے نجی اسکول دی پوڑیاں توں ڈہہ تے مر ونجݨ دے واقعے دا فوری نوٹس گھن گھیدا۔ صوبائی ڈائریکٹر جنرل پروائیویٹ اسکولز منصوب صدیقی توں ایں واقعے دی رپورٹ طلب کر گھیدی ھِ سعید غنی آکھیا کہ ایں گالھ دی مکلم تحقیقات کرائی ونجے کہ اے سانحہ کیویں تھئے تے ایں سانحے دے بعد اسکول انتظامیہ نے طلباء کوں فوری ہسپتال کیوں نی پھجایا، صوبائی وزیر دی ھدایات دے ڈائریکٹر پرائیویٹ اسکولز نے فوری طور تے ڈپٹی ڈائریکٹر تے مشتمل ٢ رکنی تحقیقاتی کمیٹی تشکیل ݙے ݙیتی۔
منصوب صدیقی ڈسایا کہ متعلق ڈپٹی ڈاریکٹرز اسکول پھج گئے ھن تے سانحہ دے حوالے نال تمام تحقیقات کریندے پئے ھن ۔ خیال رھاوے کہ کورونا وارس دے پاروں عرصہ چھی مہینے دی طوریل بندش دے بعد کراچی سمیت ملک بھر ءچ اج چند جماعتاں کیتے پرائیویٹ اسکول تے کالج کھولے گعے ھن صوبائی تے وفاقی حکومتاں نے ١٥ ستمبر توں نویں تے ڈھاویں جماعتاں دے اسکول تے دیگر جماعتاں کیتے اعلی تعلیمی ادارے کھولݨ دا فیصلہ کیتا ھا ۔
ݙوجہے مرحضے ءچ ٦ ویں توں ٨ ویں جماعت کیتے ٢٣ ستمبر توں اسکولاں ءچ تعلیمی سرگرمیاں بحال کیتیاں ویسن پرائمری ءچ زیر تعلیم طالب علماں کوں ٣٠ ستمبر توں پرائیویٹ اسکول سڈواوݨ دا فیصلہ کیتا ھا ۔
