لاہور ۔وزیر اعلی پنجاب عثمان بزدار اج اہم پریس کانفرنس کریسن ، وزیر اعلی سیکرٹریٹ توں متعلق اھم فیصلیاں دے بارے آگاہ کریسن۔
واضح رھاوے کہ حکومت جنوبی پنجاب کوں صوبہ بنڑاوݨ کیتے بل گھن آوݨ دا اعلان کر ݙیتا ، بل گھن آوݨ دا فیصلہ وزیر اعظم عمران خان دی زیر صدارت اجلاس ءچ تھیاء ، ایں حوالے نال پارلیمنٹ دے باہر میڈیا نال گالھ مہاڑ کریندے ہووے وزیر خارجہ شاہ محمود قریشی ݙسایا کہ جنوبی پنجاب صوبہ بنڑݨ دے حوالے نال تھیوݨ والے اہم اجلاس ءچ وزیر اعظم نے سبھ اراکین اسمبلی نال صلا کیتی ھِ ۔ جنوبی پنجاب صوبہ بنڑاوݨ دا فیصلہ وزیر اعظم عمران خان دا اُتھاں دے لوگاں نال کیتے گئے وعدے دی تکمیل دے پاسے پہل ھِ
اسلام آباد معاون خصوصی اطلاعات ڈاکٹر فردوس عاشق اعوان دے نال پریس کانفرنس کریندے ہووے شاہ محمود قریشی نے ڈسایا کہ وزیر اعظم دی سربراہی ءچ اہم اجلاس تھئے جیندے ءچ وزیر اعلی پنجاب ، چیف سیکریٹری ، آئی جی پنجاب دے نال نال صوبائی وزراء تے صوبائی و وفاقی اراکین اسمبلی وی شریک تھئے انہاں ڈسایا کہ اجلاس ءچ جنوبی پنجاب دے عوام نال کیتے گئے وعدے پورا کرݨ سانگے قدم چاتے۔
انہاں ڈسایا کہ بہاول پور ءچ سیکرٹریٹ تے ایڈیشنل چیف سیکرٹری ساوتھ تے ایڈیشن آئی جی ساوتھ لایا ویسی ، افسران ءچوں چیف سیکرٹری دا دفتر بہاول پور تے ایڈیشنل آئی جی دا ملتان ءچ دفتر ہوسی ، جنوبی پنجاب صوبہ بنڑاوݨ کیتے حتمی اقدام کیتا گئیا ھِ صوبے کیتے انتظامی سیکرٹریٹ بہاول پور بنڑاوݨ دا اعلان کیتا گئیا ھِ سیکرٹریٹ کیتے ساڈھے تریھ ارب روپے مختص کیتے گئے ھن نویں سیکرٹریٹ کیتے ١٣٥٠ لوگاں دی بھرتی تھیسی۔
میڈیا نال گالھ مہاڑ کریندے ہووے شاہ محمود قریشی نے آکھیا کہ اج تاریخی ݙینھ ھِ ، جنوبی پنجاب کوں صوبہ بنڑاوݨ کیتے عملی اقدامات کیتے گئن پناجب دے بجٹ ءچوں پنتری فیصد جنوبی پنجاب کیتے رکھا گئیا ھِ ھک سوال دے جواب ءچ انہاں آکھیا کہ ݙو تہائی اکثریت نا ہووݨ دی وجہہ نال اے ھن تک نی تھئی سکا، اج وی صورتحال ایہا ھِ تاہم پاکستان پیپلز پارٹی ول ول آکھ چکی ھِ کہ او جنوبی پنجاب صوبہ بنڑاوݨ چاھدنی ھِ محترمہ بے نظر بھٹو وی ایں حوالے نال موقف رکھیندی ھائی ، ایں کیتے امید ھِ کہ پیپلزپارٹی ھݨ صوبے دی حمایت کریسی ۔ ماضی ءچ شہباز شریف وی آکھ چکے ھن کہ صوبہ بنڑنڑاں چاھیدا ھِ ایں کیتے امید ھِ کہ تمام جماعتاں ایندی حمایت کریسن، انہاں آکھیا کہ امید ھِ کہ مسلم لیگ ن تے پیپلزپارٹی جنوبی پناجب نال تعلق رکھݨ والے اراکین اسمبلی اپنڑیں قیادت کوں ایں بارے قائل کریسن۔ ایں بارے تمام جماعتاں نال مشاورت کیتی ویسی۔
شاہ محمدور قریشی دا آکھݨ ھا کہ میں انہاں تمام لوگاں کوں مبارکباد ݙیساں جنہاں صوبہ جنوبی پنجاب دے خواب کوں حقیقت بنڑاوݨ کیتے تحریک انصاف ءچ شمولیت اختیار کیتی ۔ شاہ محمود دا آکھݨ ھا کہ صوبہ بنڑݨ دے بعد تمام لوازمات جو باقی صوبیاں کوح حاصل ھن مثال دے طور تے این ایف سی ، وفاق ءچ نمائندگی ، ترقی کیتے درکار اقدامات وی ایں صوبے کوں حاصل ہوسن ۔ انہاں آکھیا کہ بل پاس تھیوݨ ءچ تے سیاسی جماعتاں دی رائے ہموار کرݨ ءچ کجھ ویلہ لگسی ۔
جنوبی پنجاب دے دارالحکومت دے حوالے نال کیتے گئے ھک سوال دا جواب ݙیندے ہووے انہاں ایندا فیصلہ عوم تے منتخب اراکین اسمبلی دی مشاورت نال کیتا ویسی ، چھیکڑ ءچ انہاں سرائیکی زبان ءچ جنوبی پنجاب دے عوام کوں مبارکباد ݙیندے ہووے آکھیا کہ اج انہاں کیتے تاریخ رقم تھئی ھِ تے جئیں ویلے صوبہ بݨ ویسی تاں جنوبی پنجاب دے عوام دے کئی مسائل ھل تھئ ویسن۔
