اسلام آباد(سرائیکی نیوز) باھرلے ملک توں اپنڑیں نال موبائل فون گھن تے آوݨ والیاں دیاں موجاں ختم کیونکہ وفاقی حکومت نے ٹیکس دی طھوٹ واپس گھنݨ دا فیصلہ کر گھیدا ، نجی ٹی وی چینل دے مطابق سینیٹ دی قائمہ کمیٹی برائے انفارمیشن ٹیکنالوجی دے اجلاس ءچ حکام نے انکشاف کیتا ھِ کہ فنانس بل دے بعد ھن ھک موبائل تے وی ٹیکس ݙیونڑاں ہوسی جیندا نفاذ یکم جولائی توں کر ݙیتا گئیا ھِ کسٹم حکام نے ڈسایا کہ اگر کوئی بندہ ھک ݙینھ کیتے ملک توں باہر ونجے تے واپسی تے کسٹم ݙیوٹی ݙیونڑاں ہوسی ، حکام نے کمیٹی کوں ڈسایا کہ باہرلے ملک توں پہلی واری گھن تے آیا ونجن والا فون رجسٹرڈ کرواوݨ لازم ھِ تے جو بندہ آسی ایندا فون کہیں ھک سم تے ٦٠ ݙینھ چل سکدے ایندے دوران اگر فون رجسٹرڈ نا کرایا تاں بند تھئی ویسی حکام دے مطابق ھک واری رجسٹرڈ فون باھرلے ملک گھن ونجݨ والیاں کوں دوبارہ ٹیکس ݙیونڑاں ہوسی ، کسٹم حکام نے مزید ڈسایا کہ فوناں تے ٦ ٹیکس سلیبز بنڑائے ھن تے ٥٠٠ ڈالر توں زیادہ دے فون تے زیادہ توں زیادہ ٣١ ھزار تک ݙیوٹی ھوسی۔ اجلاس ءچ سینیٹر فیصل جاوید نے تجویز ݙیتی کہ موبائل فون تے فکس ریٹ لائے ونجن تے ٢ ھزار روپے فی موبائل ݙیوٹی عائد کیتی ونجے ایں تے کسٹم حکام نے آکھیا کہ اگر او چاھون تاں ٹیوٹی ھی ختم کر ݙیون کسٹم کوں کوئی اعتراض کینی ، اجلاس ءچ سینیٹر رحمان ملک نے مطالبہ کیتا کہ باھرلے ملک توں گھن تے آ گئے موبائل دی رجسٹریشن دا سسٹم معطل کیتا ونجے کیونکہ ایندے نال اوورسیز پاکستانی ھن خوف دا شکار تھئی گئے ھن ، سینیٹر رحمان ملک دے مطابق اوورسیز پاکستانی اپنڑیں موبائل پچھوں جیب ءچ رکھ تے یا کھاوݨ دے ٹبلے ءچ گھن تے آندے ھن کمیٹی دی چیئرپرسن سینیٹر روبینہ خالد نے آکھیا کہ باھرلے ملک تون فون گھن آوݨ والیاں کوں رجسٹریشن دی سہولت نی ݙیتی گئی تے باہرلے ملک توں فون گھن تے آون والیاں دی رجسٹریشن کرواوݨ ءچ وی رکاوٹاں ھن انہاں آکھیا کہ ایں سسٹم نے لوگاں دی زندگی عذاب کر ݙیتی ھِ تے جو اصل کم ھِ او تاں وچوں چلدا پیاء ھِ
