سندھ ءچ ١ لکھ ٣٤ ھزار ءچوں ١ لکھ گورنمنٹ استاد سائنس تے ریاضی نی پڑھا سکدے
کراچی(سرائیکی نیوز۔ایجوکیشن رپورٹر) وزیر تعلیم سردار شاہ نے آکھیا ھِ کہ سندھ دے ھک لکھ ٣٤ ھزار ءچوں ھک لکھ استاد سائنس تے ریاضی نی پڑھا سکدے، سردار شاہ نے لیاری ءچ گورنمنٹ گرلز ھائی اسکول میر ایوب ءچ محکمہ تعلیمد ی طرفوں سندھ انرولمنٹ ڈرائیو ٢٠١٩ء سیمینار توں خطاب تے میڈیا نال گالھ مہار کریندے ہووے آکھیا کہ نویں بھرتی تھیوݨ والے اساتذہ اعلی تعلیم یافتہ ہوسن جنہاں کوں بھرتی کرݨ توں پہل آئی بی اے ءچ ٹیس گھیدا ویسی ، سٹیشنری تے کورس بلیک ءچ فروخت کرݨ والے نجی اسکولاں دیخلاف سخت کارروائی تھیسی جبکہ میݙے استعفے توں متعلق خبراں ءچ کوئی سچائی کینی ، ایں سیمینار ءچ طالب علماں نے ٹبلیوز وی پیش کیتے ، سیمینار توں پہل آگاھی واک دا وی انعقاد کیتا گیا ، جو لیاری دے گورنمنٹ ڈی سی ٹی او ھائی اسکول توں شروع تھئی تے گورنمنٹ گرلز ھائی اسکول میر ایوب تے اختتام پذیر تھئی واک دی قیادت وزیر تعلیم سردار علی شاہ نے کیتی جبکہ انہاں دے نال سیکریٹری تعلیم شاھد پرویز ، استاداں تے طالب علماں وݙی تعداد ءچ شرکت کیتی
