بالاں کوں انہاں دی ماں بولی ءچ تعلیم ݙیتی ونجے، تحقیق
واسنگٹن(سرائیکی نیوز۔ مانیٹرنگ ڈیسک) پاکستان دے تعلیمی نظام تے نویں تحقیق دے مطابق ملک ءچ کئی بال اسکولاں ءچ کئی سال گزارݨ دے باوجود ھک جملہ تک نہ پڑھ سکدے، ولسن سینٹر دی نادیہ نیوی والا دا آکھݨ ھا کہ پاکستان ءچ تعلیم دے مسئلے تے اپنڑیں رپورٹ پاکستان ءچ تعلیمی بحران اصل کہانی دے ناں نال جاری کر ݙیتی ھِ اپنڑی رپورٹ ءچ انہاں نشاندھی کیتی ھِ کہ ھک کروڑ ٧٠ لکھ بال پرائمری تعلیم حاصل کریندے ھیں جبکہ ٥٠ لکھ نیں کریندے ، انہاں دے مطابق اصل مسئلہ اءِ ھِ کہ جو بال اسکول ویندے ھن او وی زیادہ کجھ نی سیکھدے، انہاں دا آکھݨ ھا کہ کئی بال اسکولاں ءچ سالاں گزارݨ دے باوجود ھک جملہ تک نی پڑھ سکے۔
