خانپور ءچ ڈکیتی دیاں ودھدیاں وارداتاں ، شہری ١٤ لکھ توں محروم

خان پور (سرائیکی نیوز۔ ذیشان انور) خان پور ءچ ڈینھ جہاڑے ݙکیتی دی ھک بئی واردات ݙو مسلح موٹر سائیکل سوار ١٤ لکھ نقدی چھیک تے فرار تھئی گئے ۔ تفصیل دے مطابق حاجی برکت جو کہ غلہ مندی ڊا آڑھتی ھا ایندا پتر محمد شہزاد یو بی ایل بینک دوآبہ روڈ توں ١٤ لکھ روپے کڈھوا تے واپسی اپنڑی آڑھت ڊی دکان تے ویندا پیا ھا کہ الطاف آئی ہسپتال غلہ منڈی روڈ دے نیڑے پھجیا تاں ݙو بندے جو بلا نمبری 125 ہنڈا موٹر سائیکل تے پچھوں آ تے گن پوائنٹ تے ١٤ لکھ روپے نقدی رقم گھن تے فرار تھئی گئے ۔ اہل علاقہ نے پولیس کوں اطلاع ݙیتی پولیس حسب معمول تاخیر دے نال پھجی تے مدعی نے توں ایں انداز ءچ سوالات کیتے کہ جیویں او کوڑ مریندا پیا ہووے جبکہ اہل علاقے نے واردات دی تصدیق کیتی پولیس ذرائ نے ڈسایا کہ تاحال اساں کوں معاملات مشکوک لگدے ھن۔ ممکن ھکہ واقعی ڈکیتی دی واردات ہووئی ہوسی۔ ابتدائی تفتیش دے بعد ہی مقدمہ درج کریسوں۔ شہریاں نے پولیس دی ہمیشی دی طرح سنگین واردات کوں مشکوک سمجھ تے الٹا مدعی کوں ھی ڈراون دھمکاوݨ دے رویئے دی مذمت کیتی۔