دین اسلام دی روشن تعلیمات توں متاثر تھئی ھندو خاندان نے اسلام قبول کر گھیدا

خان پور (سرائیکی نیوز۔ ذیشان انور) گھمن برکس تے کم کرن والے ھک ھندو خاندان دے ٨ افراد نے کلمہ طیبہ پڑھ تے اسلام قبول کر گھیدا ایں حوالے نال باقاعدہ تقریب دا اہتمام برکس تے کتیا گئیا جیندے اچ اہل علاقے دی کثیر تعداد نے شرکت  کیتی تقریب اچ گھمن برکس دے کم کرن والے ھک ھندو خاندان دے سربراہ جیندے اچ کجھ عرصہ قبل اسلام قبول کیتا ھا ایندا اسلامی ناں عبدالرحمن رکھا گعیا ھِ عبدالرحمن دے بعد انہاں دی بیوی پٹھائی مائی دا اسلامی ناں حارہ بی بی ١٨ سالہ رام چندر دا اسلامی ناں محمد سعید  ١٢ سالہ ارمی دا اسلامی ناں سعدیہ بی بی ، ١٠ چرمی دا اسلامی ناں جویریہ بی بی ، ٨ سالہ راہ دا اسلامی ناں عبدالرحیم ، ٦ سالہ ادیش دا اسلامی ناں رحمت اللہ ، ٥ سالہ وشال دا اسلامی ناں محمد یونیس تے ٣ سالہ سنیل دا اسلامی ناں محمد اسحاق رکھا گئیا ایں موقع تے تقریب نال گالھ مہاڑ کریندے ہووے گھمن برکس دے مالک چوھدری طارق عزیز گھمن نے آکھیا کہ دین اسلام قبول کرن تے اساں اپنڑیں ایں فیملی کوں مبارکباد پیش کریندے ھیں تے دین دی نسبت نال اے اساڈے اسلامی بھینڑ بھیرا ھن انہاں ڈسایا کہ فیملی نے دین اسلام دی روشن تعلیمات توں متاثر تھئی تے اسلام قبول کیتا ھِ جبکہ عبدالرحمن تے ایندی بیوی دا وی اسلامی طریقے نال نکاح کروا ݙیتا گئیا ایں موقع ت نو مسلم فیملی نے گفتگو کریندے ہووے آکھیا کہ انشاء اللہ اساں اپنڑیں باقی زندگی اسلامی احکامات دے مطابق گزریسن۔ تقریب اچ چوہدری عبدالعزیز ، چوہدری طارق چوہدری طاہر دے علاوہ اہل علاقہ کثیر تعداد اچ موجود ھن گھمن برکس دے مالک چوہدری طارق عزیز گھمن دی طرفوں ظہرانے دا اہتمام کیتا ھِ