شریفاں ڊی موجوڊگی اچ ملک اچ جمہوریت نی آ سکڊی، طاہر القادری

لاہور(سرائیکی نیوز) علامہ ڈاکٹر طاہر القادری شریف خاندان تے وس پئے شریفاں ڊی موجوڊگی اچ ملک اچ جمہوریت نی آ سکڊی، طاہر القادری، بولے کہ اے رہے تاں ایں ملک اچ جمہوریت نا آسی، پولیس نے جاتی امراء کوں تحفظ ڈیتا ، قوم دی دیہاں کوں تحفظ کیوں نی ڈیتا، ھک بھیرا کوں عدالت نے نااہل کیا ڈوجہے بھیرا نے ١٤ بے گناہواں تے فائرنگ کرائی، قوم اٹھے تے پہچانڑیں کہ دشمن کون ھِ اساں ملک کوں انہاں درندیاں توں بچاون واسطے کٹھے تھئے ھیں ، میڈا مقصد اپنڑیذات واسطے عہدہ، منصب حاصل کرنا ھا ، نا ھِ تے نا ہوسی۔

لاہور اچ پاکستانی عوامی تحریک تے اپوزیشن جماعتاں دے وڈے احتجاجی جلسے خطاب کریندے ہووے پی اے ٹی سربراہ ڈاکٹر علامہ طاہر القادری شریف خاندان تے مسلم لیگ ن کوں شدید تنقید بنڑائے ، بولے کہ ساری قومی سیاسی مذہبی قیادت تکریم انسانیت واسطے جمع ھِ اے کملا سانحہ ماڈل ٹاون دے شہداء دی قربانیاں ، انہاں معصوم بالاں تے دیھاں دا ھِ جنہاں کوں تحفظ فراہم نی کیتا گئیا پولیس نے جاتی امراء کوں تحفظ کیوں نی ڈیتا ، پولیس شریف خاندان کوں تحفظ ڈیون اچ لگی ھِ تے سارا پنجاب غیر محفوظ کر ڈیتا گئے۔ انہاں نے علامہ اقبال دے شعر اچ معمولی ترمیم دے نال پڑھا ، بولے کہ اٹھو میری دنیا کے غریبوں کو جگا دو ، جاتی امراء کے در و دیور ہلا دو، سلطانی مظلوم کا آتا ہے زمانہ جو نفس ستم تم کو نظر آئے مٹا دو،

پی اے ٹی سربراہ دا آکھن ھا کہ شریف خاندان اقتدار اچ رھیا تے ایں ملک اچ جمہوریت کڈھیں وی نا آسی۔ انہاں نے ہر جاء تے اپنڑیں بندے بھرتی کر رکھے ھن گزشتہ ١٠ سال اچ ساڑھے ٧٠٠ ارب روپے پنجاب پولیس کو ڈیتے گئے ۔ سپاہء توں گھن تے آئی جی تک تقرر و تبادلہ انہاں دے ہتھ اچ رہے اے واحد جماعت ھِ جیندا ناں کہیں شخص دے ناں تے ہوسی، کیا پاکستان سلطنت شریفیہ دے لٹیراں دے واسطے بنڑاں ھا ؟ ھک بھیرا کوں عدالت نے نا اہل کیتا ڈوجہے بھیرا نے ١٤ بے گناہواں تے فائرنگ کروائی ، اساں چاھندے ہیں قانون عوام تے تنواز شریف دے بالاں سمیت سب کیتے برابر ہووے اساں ملک کوں انہاں درندیاں توں بچاون واسطے ھک تھئے ھیں۔

طاہر القادری نے مزید آکھیا کہ اساڈی تحریک تمام مظلوماں کوں انصافی ڈیواوݨ دی تحریک ھِ سلطنت شریفیہ دے جرائم دے خلاف اج جمع ھن اساں قانون ہتھ اچ گھینڑاں ہووے ھا تاں سانحات برداست نا کریندے ۔ اساڈا شیوا نا تاں توڑ پھوڑ ھِ تے نا جلاو گھیراو اساں تساڈے ظلم و جبر کوں توڑنا چاھندے ھیں دنیا کوں مشرق توں بعید تک امن دا فلسفہ سمجھایا ، نواز ، شہباز شریف اگر امن توڑنا ہوندا تاں تساں کوں جاتی امراء توں باہر ھک قدم رکھن دی جرات نا ہوندی اساں ملک دے امن کوں نی تورڑن چاھندے۔

پی اے ٹی سربراہ نے آکھیا کہ قوم اٹھے تے پہچانڑیں کہ دشمن کون ھِ اساں ملک کوں انہاں درندیاں توں بچاون واسطے کٹھے تھئے ھیں عدلیہ کوں آزاد رکھن تے ہر مظلوم کو انصاف ڈیواوں واسطے کٹھے تھئے ھیں انسانی حقوق کچلے ویندے پئین قومی دولت لٹی ویندی پئی ھِ میڈا مقصد ستے ہووے شعور کوں بیدار اٹھاونڑاں ھِ آوازاں کوں آواز ڈیون ھِ میڈا مقصد کوئی عہدہ منصب حاصل کرن نا ھا ، نا ھِ تا نا ہوسی۔

طاہر القادری نے احتجاجی جلسے اچ خطاب کریندے ہووے مزید آکھیا کہ سبھ کوں سڈھن دا مقصد اپنڑی ذات واسطے کجھ حاصل کرن نی اج اساں سبھ سانحہ ماڈل ٹاون دے متاثرین کوں انصاف ڈیواون واسطے جمع تھئے ھیں معاشرے اچ اتنی تقسیم ، تفریق تھئی چکی ھِ کہ کہیں معاملے تے ملک بھاوݨ دا حوصلہ نی رھیا۔