راولپنڈی(سرائیکی نیوز) آرمی چیف جنرل قمر جاوید باجوہ آکھیندے ھن کہ اساڈے معصوم بالاں دیاں قربانیاں ناقابل فراموش ھن ، سانحہ اے پی ایس دے بالاں دی قربانیاں کوں ضائع نا تھیون ڈیسوں، وطن دشمن کوں شکست ڈیون کیتے نیشنل ایکشن پلان دا رستہ متعین کر رکھا ھِ آئی ایس پی آر دے مطابق سانحہ اے پی ایس دے تریھ سال مککمل تھیون دے موقع تے آرمی چیف نے آکھیا کہ وطن عزیز واسطے قربانیاں تے شہدا دا احترام کیتا ونجے اساڈے معصوم بالاں تے انہاں دے بہادر خانداناں دیاں قربانیاں میشہ یاد رکھیاں ویسن ملک اچ قیام امن دے ذریعے شہداء دیاں قربانیاں کوں یاد رکھا ویسی۔ سپہ سالار نے بعد ازا نجہلم اچ آرمی مارکس مین شپ فائرنگ رینجز دا دورہ کیتا تے رائفل ایسوسی ایشن دی مقابلیاں دی اختتامی تقریب اچ شرکت کیتی۔
ترجمان پاک فوج دے مطابق جنرل قمر باجوہ نے مقابلیاں اچ حصہ گھن والے نشانہ بازاں نال گالھ مہاڑ کیتی تے آکھیا کہ سولہ دسمبر دا ڈنہیں کڈھی وی نہیں بھلنڑاں چاھیدا ، اساڈے دشمن نے ایں ڈنہیں اساں کوں زخمی کیتا سانحے نال قومی عزم و ہمت دے نال باہر آئے انہاں نے آکھیا کہ ایں جرم دے ذمہ داراں دی مکمل شکست کیتے اساں کوں کم کرن دی لوڑ ھِ جیندا رستہ نیشنل ایکشن پلان نے متعین کر رکھا ھِ سپہ سالار دا آکھن ھا کہ فوجہ سطح تے اعلی پیشہ ورانہ مہارتاں دا حصول جاری رھاسی۔
Leave a Reply