نیویارک(سرائیکی نیوز) امریکا دا یروشلم اسرائیل دا دارالحکومت تسلیم کرن، پہلی واری دنیا بر توں سرکاری تے عوامی سطح تے امریکی صدر دا کوئی اعلان وسیع پیمانے تے مسترد کر ڈیتا گئیا ، پاکستان ، آسٹریلیا ، برطانیہ ، اردن ، ترکی ، انڈونیشیا، ملائیشیا تے فلسطین توں سخت رد عمل سامنڑیں آیا ھِ امریکی صدر دے مقبوضہ بیت المقدس (یروشلم)کوں اسرائیل دا دارالکومت تسلیم کرن تے اپنڑاں سفارتخانہ اتھاں منتقل کرن دے اعلان تے دنیا بھر اچ شدید تنقید کیتی ویندی پئی ھِ اقوام متحدھ دے بیشتر رکن ممالک نے ایں فیصلے کوں مسترد کریندے ہووے مذمت کیتی ھِ پاکستان نے اے اعلان مشرق وسطی کیتے تباہ کن قرار ڈے ڈیتا، اسٹریلیا نے واضح کر ڈیتا کہ او اپنڑاں سفارتخانہ یروشلم منتقل نا کریسی، فرانس دے صدر نے اعلان افسوس ناک قرار ڈیتا تے اقوام متحدھ دے سربراہ نے واضح کیتا کہ ڈو ریاستی حل یروشلم دا واحد مستقبل ھِ اردن دے بادشاہ نے امریکی صدر ڈونلڈ ٹرمپ دے اعلان دی مذمت کر ڈیتی جرمن سوشل ڈیموکریٹک پارٹے دے سربراہ مارٹن نے اے اعلان خطے دے استحکام کیتے خطرناک قرار ڈے ڈیتا ملائیشیا دے صدر نجیب رزاق نے مسلمان دنیو توں مطالبہ کیتے کہ ڈونلڈ ٹرمپ دے خلاف ڈٹ ونجن۔ امریکا دے یروشلم اعلان تے مسلمان دنیا اچ احتجاج دا سلسلہ جاری ھِ فلسطینیاں نے بیت اللحم اچ کرسمس دی روشنیاں وسما ڈیتیاں لبنان تے اردن اچ فلسطینی مہاجرین تے عوام سراپا احتجاج تھئے گئے استنبول اچ لوگ گھراں توں نکل آئے تے امریکا دے خلاف مظاہرہ کیتا مصریاں نے وی ایں فیصلے کوں شدید رنج و غم دا اظہار کیتا۔
