حافظ سعید نے وزیر دفاع خرم دستگیر کوں 100 ملین ہرجانے دا نوٹس بھیج ڈیتا

ملک دا قانون آکھیندا ھِ کہ جئیں ویلے کہیں دی نیک نامی تے حملہ کیتا ونجے تاں ایندا حق ھِ کہ او عدالت ونجے تے ہرجانے دا دعوی کرے

لاہور(سرائیکی نیوز) جماعت الدعوۃ دے سربراہ پروفیسر حافظ محمد سعید نے وزیر دفاع خرم دستگیر دی طرفوں جماعت الدعوۃ دے خلاف متنازعہ بیان بازی دے خلاف قانونی نوٹس بھجوا ڈیتا ، اے کجماعت الدعوۃے ڈوگر ایڈووکیٹ دی وساطت توں بھجوائے گئے نوٹس اچ آکھا گئیا کہ خرم دستگیر 14 ڈنہیں دے اندر اپنڑیں ایں بیان کہ جماعت الدعوۃ دے خلاف کارروائی رد الفساد آپریشن دا حصہ ھِ تے ایں واسطے کم کریندے پئے ھن تاکہ آئندہ کوئی دہشت گرد سکول اچ بالاں کوں گولیاں نا مار سکن ، ایں تے تحریری معافی منگن وگرنہ 100 ملین پاکستان روپے ہرجانہ دی ادائیگی کرن کو تیار رھاون وزیر دفاع خرم دستگیر نے جئیں طرح الزام تراشی کیتی ھِ ایں نال جماعت الدعوۃ تے ایندے قیادت دی شہرت کو نقصان پہجا ھِ اے بہون وڈا جرم ھِ تے ایں تے انہاں کوں ڈو سال دی سزا تھئی سکدی تھئی سکدی ھِ

انہاں گالھ مہاڑ کریندے ہووے آکھیا کہ جماعت الدعوۃ دا کردار پوری دنیا دے سامنڑیں ھِ ایندے رضاکار زلزلہ سیلاب تے دیگر قدرتی آفات دے علاوہ تھرپارکر سندھ تے بلوچستان سمیت پورے ملک اچ رفاہی و فلاحی سرگرمیاں اچ مصرف ھن وزیر دفاع دا حالیہ بیان پڑھ تے دل خون دے ہنجوں روندا ھِ جماعت الدعوۃ دے خلاف کارروائی کوں رد الفساد دا حصہ قرار ڈیون بے بنیاد تے سراسر جھوٹ ھِ ملک دا قانون آکھیندا ھِ کہ جئیں ویلے کہیں دی نیک نامی تے حملہ کیتا ونجے تاں ایندا حق ھِ کہ او عدالت ونجے تے ہرجانے دا دعوی کرے ، اے کے ڈوگر ایڈووکیٹ نے آکھیا کہ جماعت الدعوۃ کہ وکی ہون دی حیثیت نال 2002 قانون دے تحت وزیر دفاع کوں ١٤ روزہ نوٹس ارسال کرینداں پیاں جیندے اچ او اپنڑیں بے بنیاد بیان دی وضاحت کریسن جیندے نال جماعت الدعوۃ دی شہرت کوں جو نقصان پہجا ھِ ایں مد اچ میڈے موکل نے 100 ملین پاکستانی روپے دے ہرجانے دا دعوی کیتا ھِ انہاں نے آکھیا کہ حافظ محمد سعید باکردار تے باعزت صلاحیتاں دی حامل شخصیت ھن عدلیہ دی رو توں ھک وکیل ہون دی حیثیت نال میڈا فریضہ ھِ کہ مٰں وزیر دفاع تک آئین دے آرٹیکل 14 دے تحت بنیادی حقوق دی شق پہجاواں جیندے تحت آئین ہر شہری وقار تے ایندی عزت دا ضامن ھِ