پاک فوج تے دہشتگرداں اچ جھڑپاں، لیفٹننٹ معید شہید
میران شاہ (سرائیکی نیوز) رات چرک تک پاک فوج دی طرفوں پیٹرولنگ دے دوران دہشتگرداں تے سیکورٹی فورسز نال جھڑپاں دے دوران سیکنڈ لیفٹینٹ عبدالمعید تے سپاہی بشارت شہید تھئی گئی ڈونہاں دا جسد خاکی سی ایم ایچ بنوں منتقل کر ڈیتا گئیا۔ پاک فوج دے شعبہ تعلیقات عامہ (آئی ایس پی آر) دے جاری کردی بیان دے مطابق شمالی وزیرستان ایجنسی دے علاقے علی خیل اچ سیکیورٹی دی گڈی معمول دی پیٹرولنگ تے ھائی کہ پیاڑی دی چوٹی تے لکے دہشتگرداں نے چاروں طرفوں سیکورٹی فورسز دی گڈی تے فائرنگ شروع کر ڈیتی۔ تفصیل دے مطابق دہشت گرداں تے سیکورٹی فورسز دے درمیان فائرنگ دے تبادلے اچ سیکنڈ لیفٹیننٹ عبدالمعید تے سپاہی بشارت شہید تھئی گئے ڈونہاں شہداء کوں ہیلی کاپٹر دے ذریعے سی ایم ایچ بنوں اچ منتقل کر ڈیتا گئیا۔ واضح رھاوے کہ سیکنڈ لیفٹیننٹ ببدالمعید حال ھی اچ ١٤ اکتوبر سال 2017 اچ پاکستان ملٹری اکیڈمی دا کول توں پاس آؤٹ کیتا ھا ، ڈونہاں شہدا دی عمران وی اکیوی سال ھن ، شہید سیکنڈ لیفٹنٹ معید دا تعلق بورے والا وہاڑی تے سپاہی بشارت دا تعلق گلگت دے دیہات دانیور نال ھا ، شہید گزشتہ ٣ سال توں پاک فوج نال وابستہ ھا۔
