عڊالت کوں بڊنام کرݨ واسطے سوشل میݙیا تِ فوٹو چلائی گئی ھِ، چوہڊری نثار

تصویر دی ایف آئی اے انکوائری کریندی پئی ھِ پاکستان دی شہریت ویچݨ والیاں کوں معاف نا کریسوں، ایگزیکٹ ، خانانی تِ کالیا منی لانڈرنگ کیس تِ نویں تحقیقاتی کمیٹی بنڑیندے پئے ہیں، ساڑھے ٣ سال اچ ساڑھے ٤ لکھ شناخت کارڈ بلاک کیتے گئین، آصف زرداری ، ایان علی تِ بلال تِ تبصرہ نی کر سکدا، کوئی جتنا چیخے چیخڊا رہاووے رینجر آپریشن کراچی اگوں ودھدا رہاسی، چوہدری نثار ڊی پریس کانفرنس

اسلام آباد (سرائیکی نیوز) وفاقی وزیر ڊاخلہ نثار علی خان نے آکھے کہ عدالت کوں بڊنام کرݨ کیتے سوشل میڈیا تِ ھک تصویر چلائی ویندئی پئی ھِ ایندی ایف آئی اٖے تحقیق کریندی پئی ھِ ، پاکستان ڊی شہریت ویچن والیاں واسطے کوئی گنجائش کینی، ایگزیکٹ ، خانانی تِ کالیا منی لانڈرنگ کیس تِ نویں تحقیقاتی کمیٹی بنڑیندے پئے ہیں، کیس ڊا بہوں سارا ریکارݙ ضائع تھئی چکے ساڑھے ٣ سال اچ ساڑھے ٤ لکھ شناختی کارݙ ٻلاک تھین، ٣٢ ہزار ٤٠٠ توں ودھ پاسپورٹ منسوخ کر ݙیتے گئے ھن جو شناختی کارڈ غیر ضروری طور تِ ٻلاک تھین او بحال کر ڈیتے ویسن۔

انہاں اج ایتھاں پریس کانفرنس نال خطاب کریندے ہووے آکھے کہ حکومت نے جعلی شناختی کارڈاں ڊے معاملے تِ بہوں توجہ ڈیتی ھِ گزشتہ حکومت ٥٠٠ شناختی کارڈ تِ تھوڑے پاسپورٹ منسوخ کیتن، جبکہ گزشتہ حکمتاں نے ڊیدہ ڊلیری توں شناختی کارڈ ، پاسپورٹ غیر ملکیاں کوں ڈیتے، پاسپورٹ انسانی اسمگلنگ ڊے واسطے استعمال تھین، اے پاسپورٹ کہیں ڊی ملی بھگت نال بنڑیں ہوسن۔ پاکستانی شناختی کارݙ تِ پاسپورٹ ڊہشت گرڊاں ڊءِ ہتھ اچ ویندے پیئن۔

انہاں نے آکھے کہ ٦ ماہ اچ شناختی کارڈاں دی از سر نو تصدیق ڊا کم مکمل تھیسی۔ سال ٢٠١١ توں پہلے از سر نو تصڊیق دی کوشش ہی نی کیتی گئی۔ ساڑھے تیریح سال اچ ساڑھے ٤ لکھ شناختی کارڈ بلاک تھین جو شناختی کارڈ غیر  ڄروری طور تِ بلاک تھئے او بحال کر ݙیتے ویسن۔٩٠ ڈینہیں ڊے اندر ٩ کروڑ غیر قانونی سم کارݙ بند کر ݙیتے گئین۔پاکستان اچ سیاست دءِ ناں تِ کچھری پکائی وینڊی پئی ھِ انہاں نے آکھئے کہ ملک اچ سیاست ڊءِ ناں تِ کھچڑی پکائی ویندی پیئی ھِ انہاں نے آکھے کہ آصف زرداری، ایان علی تِ بلال تِ تبصرہ نی کرسکدا۔