ھائی کورٹ نے معروف قوال امجد صابری قتل کیس دے ملزم دی سزئے موت معطل کر ݙیتی

پشاور(سرائیکی نیوز) ہائی کور ٹنے معروف قوال امجد صابری قتل کیس دے ملزم دی سزائے موت معطل کر ݙیتی ھِ نجی ٹی وی چینل دے مطابق امجد صاٻری قتل دے ملزم عارش کوں فوجی عدالت توں سزائے موت ݙیتے ونجن دے خلاف پشاور ھائی کورٹ ءچ ملزم دی والدہ صدیقہ بی بی دی درخواست تے سماعت تھئی ، ہائی کورٹ دے ݙو رکنی بینچ نے کیس دی سماعت کیتی تاں صدیقی بی بی نے موقف اپنڑایا کہ میڈا پتر بے گناہ ھِ تے بنا ثبوت دے ایکوں سزائے موت سنڑائی گئی جبکہ ملزم کوں صفائی دا کوئی موقع وی نی ݙیتا گئیا درخواست گزار دا موقف سنݨ دے بعد عدالت نے ملزم دی سزائے موت معطل کریندے ہوئے ١٢ ستمبر تک محکمہ داخلہ توں جواب طلب کر گھیدا، واضح رھاوے کہ ملزم کوں ٢ اپریل کوں فوجی عدالت توں سزائے موت دا حکم سنڑایا گئیا آرمی چیف جنرل قمر جاوید باجوہ نے سزائے موت دی توثیق کر ݙیتی تاہم ١٢ اپریل کوں پشاور ہائی کورٹ نے پھانسی تے عمل درآمد روک ݙیتا ھا، مشہور قوال امجد صابری کوں ٢٢ جون ٢٠١٦ء کوں کراچی یدے علاقے لیاقت آباد ءچ موٹر سائیکل سواراں نے فائرنگ کر تے ایں ویلے شہید کر ݙیتا ھا جئیں ویلے رمضان ٹرانسمیشن ءچ شرکت کیتے اپنڑیں گڈی ءچ ویندے پئے ھن