مالاکنڈ ءچ سیکیورٹی اختیارات ڊی آرمی تے ایف سی توں سول اڊاریاں کوں منتقلی

0
341

پشاور(سرائیکی نیوز) خیبر پختونخواہ ءچ دہشت گردی نال متاثرہ مالاکنڈ ݙویژن ءچ فوج نے انتظامی اختیارات سول انتظامی افسران ڊے حوالے کرݨ شروع کر ݙیتے ھن۔

دیرپائین ڊے ھیڈ کوارٹر تیمرگرہ ءچ دیرپائیں تے دیربالا دے اظلاع ءچ سیکیورٹی ڊے اختیارات ڊی آرمی تے ایف سی توں سول اڊاریاں دی منتقلی دی پروقار تقریب تھئی۔ میجر جنرل علی عمران اعوان نے اپنڑیں خطاب ءچ حاضرین محفل کوں آگاہ کیتا کہ اختیارات دی منتقلی چیف آف آرمی اسٹاف دی طرفوں کیتے گئے وعدے تے صوبائی اپیکس کمیٹی دی اکتوبر ٢٠١٧ ءچ تھیون والے فیصلے تے عملدرآمد طرف پہلا قدم ھِ بنڑائے گے سیکیورٹی اختیارات بتدریج مالاکنڈ ݙویژن ڊے دیگر اظلاع یعنی سوات تے مالا کنڈ اچ وی سول اداریاں کوں منتقل کر ݙیتے ویسن۔ انہاں اقدامات دے نتیجے اچ فوجی تے مشترکہ چیک پوسٹاں مرحلہ وار ختم کر ݙیتیاں ویسن تے ضروری مقامات تے پولیس چیک پوسٹاں سنبھال گھینسی۔ تقریب دے موقع تے دیر دے عمائدین نے سرکاری حکام کوں اپنڑیں مکمل تعاون تے امن دے استحکام کیتے اپنڑاں کردار کرݨ دا اعادہ کیتا۔ تقریب اچ جی او سی مالا کنڈ آرمی ڈویژن میجر جنرل علی عامر عوان ، کمشنر مالاکنڈ ڈویژن ظہر اسلام شاہ ، ریجنل پولیس آفیسر اختر حیات گنڈا پور ، ایم این اے صاحبزادہ طارق اللہ ، صوبائی وزیر خزانہ ݨطفر سید ، اعلی فوجی و سول افسران تے عمائدین نے شرکت کیتی۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.