راجہ محمد سرور عید دی ݙینھ ١٠ نمبر ١٩١٠ء موضع سنگوری تحصیل گرجر خان ضلع راوالپنڈی ءچ پیدا تھئے انہاں دی شہادت وی عید دے ݙوجہے ݙینھ تھئی اے علاقہ بنجر تے زیادہ تر غیر آباد ھِ ایتھاں کاشتکاری گھٹ تھیندی ھِ زیادہ تر لوگ فوج ءچ ملازم ھن انہاں دے والد وی آپ کوں فوج ءچ بھرتی کرواوݨ دا ارادہ رکھیندے ھن انہاں کیتے ایں دی تعلیم دا بندوبست تھیا چونکہ اے ھک مذہبی گھرانے ءچ پیدا تھئے ایں واسطے ابتدائی تعلیم دیہات دی ھک مسجد ءچ حاسل کیتی چھ سال دے تھئے تاں انہاں دے والد نے انہاں کوں چک نمبر ٢٢٩ گ ب ضلع فیصل آباد دے مقامی سکول ءچ داخل کروا ݙیتا ایتھوں پنجھوں کلاس پاس کیتی ١٩٢٥ء ءچ مڈل سکول توں آٹھویں سترہ سال دی عمر ءچ ١٩٢٧ء ءچ میٹرل ءچ اول پوزیشن حاصل کیتی انہاں دے خاندان دے بہوں سارے بندے فوج ءچ خدمات انجام ݙیندے رہے ھن۔ انہاں دے والد جناب محمد حیات خان فوج ءچ حوالدار ھن انگریز دی حکومت نے انہاں کوں پہلی جنگ عظیم ءچ بہادری توں بھر پور کارنامے سر انجام ݙیون تے ٣ مربع زمین الاٹ کیتی ھائی ٢٣ فروری ١٩٣٢ء کوں محمد سرور دے والد جناب محمد حیات خاں دا انتقال تھیا انہاں دی اولاد ءچ وݙا پتر مرزا خان جو فوج توں میجر دے عہدے توں ریٹائر تھئیا انہاں کوں وی ھک مربع زمین دلیری تے بہادری دی وجہہ توں انعام ءچ ملی ۔ ڈوجہے پتر یعنی راجہ محمد سرور دے ݙوجہے بھیرا محمد سردار خان وی فوج ءچ حوالدار ھن کیپٹن راجہ محمد سرور شہید ، محمد حیت خاں دے چوتھے تے سب توں چھوٹے پتر ھن جو نشان حیدر حاصل کر تے خاندان تے مملکت پاکستان کیتے فخر و ناز دا باعث بنڑے۔ میٹرک دا امتان پاس کر تے محمد سرور شہید ١٩٢٩ء ءچ بلوج رجمنٹ ءچ ھک سپاھی دی حیثیت نال بھرتی تھئے کراچی ءچ ابتدائی فوجی کورس کیتا ، ݙو سال شمال مغربی سرحدی صوبے ءچ خدمات سر انجام ݙیتی، ١٩٤١ء ءچ ھیں رجمنٹ ءچ حوالدار دے عہدے تک پھجے ، ڈرائیورنگ دا کورس کیتا۔ ١٩٤١ ءچ او رائل انڈین آرمی ءچ جونئیر کمشنݙ آفیسر منتخب تھئے تے وی سی او سکولف رائل انڈین سروس کور ءچ انسٹرکٹر دی خدمات انجام ݙیوݨ لگے ١٩ مارچ ١٩٤٤ کوں سیکنڈ لیفٹیننٹ بنڑے ٢٧ اپریل ١٩٤٤ کوں اے لیفٹیننٹ بنڑا ݙیتے گئے ۔ یکم فروری ١٩٤٧ دی تاریخ ءچ محمد سرور شہید دی زندگی ءچ بے حد اہم ھن انہاں کوں کیپٹن دا عہدہ ݙیتا گئیا ۔ محمد سرور شہید درمیانے قد ، سݙول جشم ، متناسب اعضاء ، موٹی آنکھیں ، بارعب آواز ، گندمی رنگ تے بھاری موچھاں دے حامل ھن تلاوت قرآن پاک ، نماز دے پابند تے مطالعے دے شوقین ھن محمد سرور شہید علامہ اقبال نال وی بہوں محبت رکھیندے ھن تے انہاں دے بے شمار شعرا انہاں کوں زبانی یاد ھن ، کبڈی تے فٹ بال محمد سرور شہید دے پسندیدہ کھیڈ ھن انہاں دے حالات زندگی ءچ اے واقعہ قابل توجہ ھِ کہ ھک بڈھڑی کوں ݙیون کیتے ان دی جیب ءچ ریزگاری نا ھائی تاں ایکوں باقاعدگی منگی ، کجھ دور گٹے تاں دل بے تاب تھئیا گورا نا کیتا کہ محض ریزگاری نا ہووݨ دے باعث اللہ دے ناں توں ݙیون توں انکار کر ݙیتا، فوران واپس آئے بڈھڑی کوں تلاش بسیار دے بعد ملی تاں ایں توں معافی منگی تے حسب توفیق مدد کیتی تے اللہ دا شکر ادا کیتا انہاں دی شادی انہاں دے خاندان ءچ خوش شل و خوش اخلاق خاتون کرم جان نال تھئی ۔ شادی دی تقریب بے حد سادہ تے اسلامی روایات دے مطابق ١٥ مارچ ١٩٣٦ ءچ تھئی ۔ جولائی ١٩٤٨ ءچ دشمن دے خلاف محاذ جنگ تے پھجے تاں اوڑی دی جاء تے ھک پہاڑی دشمن دے قبضے ءچ ھائی ۔ ضروری ھا کہ دشمن دے قبضے توں ایں پہاڑی کوں آزاد کروایا ونجے ھک ݙینھ کمانڈر نے اپنڑیں نوجواناں کوں اکٹھا کیتا تے آکھیاکہ اے پہاڑی اساݙے واسطے ھک چلنج بݨ چکی ھِ جو جوان ایں مہم دا بیڑا چا سکدے ھوون او اگوں آ ونجن پوری کمپنی تے سناٹا چھا گیا ہر شخص جانڑدا ھا کہ اے موت دے منہ ءچ ونجݨ والی گالھ ھِ یس سر میں ایں مہم دا بیڑا چانداں سر محمد سرور نے آکھیا ٢٧ جولائی ١٩٤٨ء دی رات محمد سرور شہید اپنڑیں نوجواناں دے نال ٹارگٹ دی طرف ودھا ، توپاں تے مشین گناں تے گولے تے فائرنگ تھیندی رہی ۔ وسدی گولیاں ءچ محمد سرور اپنڑیں بٹالین دی قیادت کریندے ہووے سبھ توں اگئی تے ھن ۔ ایں دوران کئی جوان موت کوں گلے لایا ۔ ساتھیاں دی تعداد ءچ کمی تھیون لگی کیونکہ دشمن بلندی تے ھا ۔ آپ انہاں دے سیدھے ٹارگٹ تے ھن لیکن ایندی کمی نے حوصلہ کم نا کیتا بلکہ ودھا ݙیتا ایں ویلے ھک گولی نے محمد سرور شہید دا دایاں شانہ چیر تے رکھ ݙیتا خون تیزی نال وھاوݨ لگ گئیا ۔ دشمن دی گولیاں انہاں دے سجے کھبے سر دے اوتے تلے توں گزردی رھی تے او گولیاں دی بچاڑ ءچ اگوں ودھدے رہے انہاں دے زخماں توں خون جاری رھیا آخر او ایں مورطے تک ونج پھجے جیتھوں اے گولیاں وسائی ویندیاں پیاں ھن تے باڑ کٹݨ لگے آخری تار کٹݨ کوں ھائی کہ دشمن دی فائرنگ نے محمد سرور شہید دا سینہ چھنی کر ݙیتا۔
ھک جھٹکے نال انہاں آخری تار کوں ݙو حصیاں ءچ کٹیا دشمن تے آخری برسٹ دے نال اللہ اکبر دے الفاظ کو ادا کریندے ھووے رب دے حضور لبیک آکھ ݙیتا ، دشمن ایں چوکی کوں چھوڑ تے بھج گئیا سویر دے سورج نے ایں پہاڑی تے پاکستان دا ساوا ہلالی جھنڈا لہریندے ہووے ݙیٹھا ، جنرل اسکندر مرزا دا دور ھا جئیں ویلے ٢٣ مارچ ١٩٥٧ دے یوم جمہوری دے موقع تے ایں نے کیپٹن محمد سرور شہید دے ایں زندہ جاوید کارنامے تے انہاں کوں نشان حیدر ݙوݨ دا اعلان کیتا لیکن اے اعزاز ݙیون دی تقریب فیلڈ مارشل محمد ایوب خاں دے دور حکومت ءچ ٢٧ اکتوبر کوں منعقد تھئی ۔ تقریب راوالپنڈی ءچ منعقد تھیوے جیتھاں انہاں دی بیگم محترم کرم جان کوں کیپٹن محمد سرور شہید دا نشان حیدر ݙیتا گئیا ۔ پاکستان دی عسکری تاریخ دا پہلا تے سب توں وݙا اعزاز نشان حیدر جو آوݨ والی نسلاں کوں ہمیشہ یاد ݙیویندا رھاسی کہ جنرل ایوب خان نے اپنڑیں خطاب ءچ آکھا ھا میں کیپٹن محمد سروس شہید دی قربانی دا ذکر کریندے ہووے فخر محسوس کرینداں جنہاں نے سب توں پہلا نشان حیدر حاصل کر تے پاکستان دی تاریخ ءچ ھک نویں باب دا اضافہ کیتا انہاں نے اپنڑیں قربانی نال اپنڑی فوج تے اپنڑی بٹالین دا ناں ہمیشہ کیتے زندہ کر ݙیتا ھِ بے شک انہاں دی قربانی تے اساں سبھ کوں فخر ھِ
