پنجاب، کے پی انتخابات ، بینچ توں چار اراکین از خود علیحدہ، صدر وی تاریخ ڈے سکدے ھن، چیف جسٹس
پنجاب تے خیبر پختونخواہ اچ انتخابات دی تاریخ دے حوالے نال سپریم کورٹ اچ از خود نوٹس دی سماعت کرݨ والا ٩ رکنی لارجر بینچ توں چار اراکین خود علیحدہ تھیوݨ دے بعد پنجھ رکنی بینچ دی سربراھی کریندے ہووے چیف جسٹس عمر عطا بندا آکھیا ھ ہ پارلیمان دا الیکشن ایکٹ اچ واضح لکھا ھِ کہ صدر وی تاریخ ڈے سکدے ھن
از خود نوٹس دی سماعت پاروں سپریم کورٹ ایں گالھ دا تعین کریسی کہ آئین دے مطابق مختلف حالاتاں اچ کہیں وی صوبائی اسمبلی دے تحیلیل تھیوݨ دے بعد انتخابات دی تاریخ دا اعلان کرݨ دی آئینی ذمہ داری تے اختیار کیں کول ھِ جسٹس اعجاز الاحسن یحیی آفریدی تے جسٹس مظاہر اکبر نقوی تے جسٹس اطہر من اللہ دی طرفوں سماعت توں معذرت دے بعد چیف جسٹس عمر عطا بندیال دی سربراھی اچ عدالت عظمی دا پنجھ رکنی بینچ از خود نوٹس کیس دی سماعت کریندا پئے ۔ سپریم کورٹ دے پنجھ رکنی بینچ اچ چیف جسٹس دے عاوہ جسٹس منصور علی شاہ ، جسٹس منیب اختر ، جسٹس جمال خان مندوخیل تے جسٹس محمد علی مظہر شامل ھن
سماعت دے آغز تے چیف جسٹس عمر عطا بندیال دا آکھݨ ھا کہ چار معزز اراکین نے خود کوں بینچ توں علیحدہ کر گھیدا ھِ عدالت دا باقی بینچ مقدمے سنڑدا رھاسی ، آئین دی تشریح کیتے عدالت سماعت جاری رکھیسی
چیف جسٹس عمر عطا بندیا آکھیا کہ آئین کیا آکھیندا ھِ کہ ایندا دارومدار تشریح تے ھِ کل ساڈھے نوں وجے سماعت شروع کر تے ختم کرݨ دی کوشش کریسوں، حکم نامہ ویب سائٹ تے کینی پہلے جاری نی کر سکدے، جسٹس جمال مندوخیل دا نوٹ حکم نامے توں پہل ہی سوشل میڈیا تے آ گیا ھا ۔
انہاں آکھا کہ نوٹ کو حکم اچ شامل تھیوݨ توں پہل پبک تھیوݨ غیر مناسب ھِ عدالتی احکامات پہل ویب سائٹ تے آندے ھن ول پبلک تھیندے ھن ۔ فاروق ایچ نائیک آکھیا ک فل کورٹ دے معاملے تے درخواست دائر کیتی ھِ چیف جسٹس عمر عطا بندیال دا آکھݨ ھا کہ تساڈی درخواست وی سݨ تے نمٹائی ویسی۔
اسپیکر پنجاب اسمبلی دے وکیل علی ظفر آکھای کہ وزیر اعلی پنجاب نے اسمبلی تحلیل کرݨ دی سمری گورنر کوں بھیج ڈیتی ھِ گورنر پنجاب نے نگران وزیر اعلی پاروں ڈونہاں فریقاں توں ناں منگے ھن ، ناواں تے اتفاق رائے نی تھئیا تاں الیکشن کمیشن نے وزیر اعلی دا انتخاب کیتا۔ انہاں آکھیا کہ الیکشن کمیشن دا گورنر کوں خط لکھ تے پولنگ دی تاریخ ڈیوݨ دا آکھیا ھا لیکن گورنر نے واب ڈیتا ھا کہ انہاں اسمبلی تحیل نا کیتی تاں تاریخ کویں ڈیسن
