نامزد وزیراعظم شہبازشریف نال بلوچستان توں نویں منتخب ارکان قومی وصوبائی اسمبلی دی ملاقات

اسلام آباد۔24فروری  (اے پی پی):پاکستان مسلم لیگ (ن) دے صدر اتے نامزد وزیراعظم شہبازشریف نال بلوچستان توں نویں منتخب ارکان قومی وصوبائی اسمبلی ملاقات  کیتی۔ پریس ریلیز موجب مسلم لیگ (ن) بلوچستان دے صدر جعفر خان مندوخیل وفد دی قیادت کیتی۔ این اے 263 توں جمال شاہ کاکڑ، این اے 252 توں سردار یعقوب خان ناصر وی وفد اچ شامل ہن ۔این اے 257 اتے پی بی 22 توں جتݨ آلے جام کمال ، نواب چنگیز خان مری وی ملاقات کرݨ آلیں اچ شامل ہن ۔میاں خان مندرانی، پی بی 4 توں سردارعبدالرحمن کھیتران اتے راحیلہ درانی وفد دا حصہ ہن ۔پی بی 14 توں محمد خان لہڑی ، پی بی 15 توں میر سلیم احمد کھوسہ ، پی بی 3 توں میر شعیب نوشیروانی وی ملاقات کرݨ آلیں اچ شامل ہن ۔پی بی 30 توں آزاد جت تے مسلم لیگ (ن) اچ رلݨ آلے میر عاصم کرد گیلو ، پی بی 41 توں ولی محمد، پی بی 51 توں کیپٹن (ر) عبدالخالق، پی بی 27 توں برکت علی رند وی ملاقات اچ شریک ہن ۔شہبازشریف ارکان قومی وصوبائی اسمبلی اتے پارٹی رہنماواں دے جذبے دی تعریف کریندے ہوئیں آکھیے جو تساں ساریاں دیاں کوششاں پاروں پاکستان اچ سیاسی استحکام دی صورت پیدا تھیندی پئی اے ۔شہبازشریف آکھیے پاکستان اتے بلوچستان دی ترقی سانڳے اساں رل تے خلوص دل نال کم کریسوں ۔